اقش كونگرەسسٸ ٶكٸلدەر پالاتاسىنىڭ سپيكەرٸ نەنسي پەلوسيدٸڭ ۇشاعى 2 تامىز كەشكٸسٸن تايبەي قالاسىنداعى سۋنشان ەۋەجايىنا قوندى. پەلوسي مٸنگەن ۇشاق قوناردان بۇرىن قىتاي باسىلىمدارى سۋ-35 ەسكەري ۇشاعى تايۆان ارالىن ماڭايلاعانىن جازدى.
تايبەيلٸك "سانلي" تەلەارناسى ٶز دەرەككٶزدەرٸنە سٸلتەمە جاساپ, پەلوسي باستاعان دەلەگاتسييا تايبەيدەگٸ Grand Hyatt قوناق ٷيٸنەن 48 نومەر برونداعانىن حابارلادى.
پەلوسي تايۆانعا ساپارىن 3 تامىز كەشكە اياقتايدى دەپ جوسپارلانعان. ول وتەلدە باسپاسٶز مەسليحاتىن ٶتكٸزٸپ, تايۆان ەكٸمشٸلٸگٸنٸڭ باسشىسى تساي ينۆەنمەن كەزدەسۋٸ تيٸس.
ساياساتكەر 31 شٸلدەدە ازيياعا تۋر باستاعان. ول ساپارى بارىسىندا مالايزييا, سينگاپۋر, جاپونييا, وڭتٷستٸك كورەياعا باردى. سونداي-اق اق ٷيدٸڭ قارسىلىعىنا قاراماستان, تايۆانعا بارۋى مٷمكٸن دەپ ايتىلعان ەدٸ.
پەكين پەلوسيدٸڭ تايۆانعا بارعانىنا قارسى شىققان. قىتاي تايۆان ارالىن ٶزٸنٸڭ تەرريتوريياسى سانايدى. قحر تٶراعاسى سي تسزينپين اقش "وتپەن ويناماۋى كەرەك" دەپ ەسكەرتتٸ. ال 2 تامىزدا قىتاي تايۆانعا جاقىن فۋتسزيان پروۆينتسيياسىندا ەسكەري جاتتىعۋ باستادى.
