فوتو: ۇوك
پاريج وليمپياداسىنىڭ جارتىلاي فينالىندا قىتايلىق ۋ يۋگە ەسە جٸبەرگەن نازىم قىزايباي پٸكٸرٸن بٸلدٸردٸ, دەپ جازادى "ۇلت اقپارات" ۇوك باسپاسٶز قىزمەتٸنە سٸلتەمە جاساپ.
"ەيەلدەر بوكسىنان قازاقتان شىققان تۇڭعىش وليمپيادا چەمپيونى اتانۋ ارمانىم بولدى. دزيۋدوشى قىزدارمەن پاريجدە جولىققاندا دا سونى بٸر بٸرٸمٸزگە تٸلەدٸك.
قازٸر ٶزٸمە اسا كٶڭٸلٸم تولىپ تۇرعان جوق. ٶيتكەنٸ التىن العىم كەلدٸ جەنە جەڭۋگە بولاتىن قارسىلاس ەدٸ. الايدا قىتاي قىزى جەكپە جەك بارىسىندا الداپ كەتتٸ. وعان قوسا مەندە “قولاعا جەتتٸڭ, ەندٸ التىن الۋ كەرەك” دەگەن جٷكتەمە تۇرعانداي بولدى. سول كەدەرگٸ كەلتٸرگەندەي.
جەڭسەم دە, جەڭٸلسەم دە قاسىمنان تابىلاتىن وتباسىما, دوستارىما راحمەت ايتامىن!
جەڭٸسٸمدٸ ماعان قولداۋ كٶرسەتكەن كٶپشٸلٸككە ارنايمىن!", - دەدٸ نازىم قىزايباي.
ال, قازاقستان ۇلتتىق وليمپيادالىق كوميتەتٸنٸڭ پرەزيدەنتٸ گەنناديي گولوۆكين بوكسشى نازىم قىزايبايدى پاريج وليمپياداسىنىڭ قولا جٷلدەسٸمەن قۇتتىقتادى.
"نازىمدى وليمپيادا ويىندارىنىڭ قولا مەدالٸمەن قۇتتىقتايمىن!
نازىم ۇزاق جىلدار بويى ەلٸمٸزدەگٸ ەيەلدەر بوكسىنىڭ جارقىن ٶكٸلٸ ەرٸ كوماندانىڭ كٶشباسشىسى بولىپ كەلەدٸ.
ٶزٸنٸڭ العاشقى وليمپياداسىنا قاتىسقانىنا قاراماستان, ول ەلەمدەگٸ ەڭ مىقتى سپورتشىلاردىڭ قاتارىنان ەكەنٸن تاعى بٸر دەلەلدەدٸ. سٸزدٸڭ بۇل جەتٸستٸگٸڭٸز كٶپتەگەن جاس اتلەتكە جٸگەر سىيلاپ, ەڭبەك پەن تٶزٸمنٸڭ اقتالاتىنىنا شىنايى ٷلگٸ بولسىن دەپ تٸلەيمٸن.
قازاقستان ۇلتتىق وليمپيادالىق كوميتەتٸنٸڭ اتىنان نازىم مەن ونىڭ باپكەرٸ دولكۋنجان كامەكوۆتى جەنە بارشا قازاقستاندىقتاردى وليمپيادا مەدالٸمەن قۇتتىقتايمىن!", - دەلٸنگەن جەدەلحاتتا.
ايتا كەتەيٸك, نازىم قىزايباي بوكستان ەل قورجىنىنا قولا مەدال سالدى.
