مەسليحاتتار تابيعاتتى قورعاۋعا ارنالعان جەرگٸلٸكتٸ بيۋدجەت قاراجاتىنىڭ ماقساتتى جەنە تيٸمدٸ پايدالانىلۋىن باقىلاۋعا الۋى تيٸس.
بۇل تۋرالى بٷگٸن قازاقستان مەسليحاتتارىنىڭ 25 جىلدىعىنا ارنالعان رەسپۋبليكالىق كونفەرەنتسييادا قر پارلامەنتٸ سەناتىنىڭ تٶراعاسى داريعا نازارباەۆا ايتتى, دەپ حابارلايدى قازاقپارات.
«مەسليحات دەپۋتاتتارى مەن جەرگٸلٸكتٸ ٶزٸن-ٶزٸ باسقارۋ ورگاندارى ٶز اۋماقتارىنداعى پروبلەمالاردىڭ بارلىعىن دا جاقسى بٸلەتٸندٸگٸ سٶزسٸز. سوعان سەيكەس ولار مەملەكەتتٸك باعدارلامالاردى ەزٸرلەۋگە, تٸرەك جەنە سپۋتنيكتٸڭ ەلدٸ مەكەندەردٸڭ تٸزبەسٸن تٷزۋگە بارىنشا بەلسەندٸ قاتىسۋى تيٸس», - دەدٸ سەنات سپيكەرٸ.
وسى رەتتە ول قازٸرگٸ ۋاقىتتا قازاقستان ٷكٸمەتٸ 2025 جىلعا دەيٸن ٶڭٸرلەردٸ دامىتۋدىڭ مەملەكەتتٸك باعدارلاماسىن ەزٸرلەپ جاتقانىن جەنە وعان مەسليحات دەپۋتاتتارى مەن جەرگٸلٸكتٸ ٶزٸن-ٶزٸ باسقارۋ ورگاندارى ارالاسۋى تيٸستٸگٸن باسا ايتتى.
«تاياۋدا, سەناتتا بٸز سۋ مەن سۋ ٷنەمدەۋ, تۇرمىستىق جەنە ٶنەركەسٸپتٸك قالدىقتاردى جيناۋ جەنە قايتا ٶڭدەۋ پروبلەمالارى تۋرالى ايتتىق. قورشاعان ورتانىڭ لاستانۋى, سۋ ساپاسىنىڭ ناشارلىعى ادامداردىڭ دەنساۋلىعىنا ەسەر ەتٸپ, ٶمٸرلەرٸن قىسقارتادى. ەكولوگييامىزدى, تۋعان جەرٸمٸزدٸ ساۋىقتىرۋ بويىنشا جەدەل ناقتى شارالار قاجەت. ولاي بولماعان جاعدايدا جەرٸمٸز ٷلكەن قوقىس الاڭىنا اينالادى», - دەدٸ داريعا نازارباەۆا.
سەنات سپيكەرٸنٸڭ دەرەگٸنشە, كەسٸپورىندار اعىن سۋلاردىڭ شامامەن 50 پايىزدان استامىن تازارتپاستان اعىزىپ جٸبەرەدٸ. قاتتى تۇرمىستىق قالدىقتاردى ورنالاستىرۋعا ارنالعان 3 500-دەن استام پوليگوننىڭ 17 پايىزى عانا سانيتارلىق نورمالارعا ساي كەلەدٸ. 8 608 سانكتسييالانباعان قوقىس الاڭى انىقتالعان. 2018 جىلى قايتا ٶڭدەلگەن جەنە جويىلعان تۇرمىستىق قالدىق ٷلەسٸ نەبەرٸ 11,5 پايىزدى قۇراعان. بۇعان قوسا, 30 مرلد توننادان استام ٶنەركەسٸپ قالدىعى جينالىپ قالعان. 2018 جىلى ونىڭ نەبەرٸ 32 پايىزى عانا ٶڭدەلگەن.
«جەرگٸلٸكتٸ اتقارۋشى ورگاندار بيۋدجەتتە تابيعاتتى قورعاۋ شارالارىنا ارنالعان قاراجاتتىڭ جوقتىعىن ايتىپ شاعىمدانادى. بۇل ورايدا قورشاعان ورتانى لاستاۋ ەميسسيياسى ٷشٸن بارلىق تٶلەمدەر جەرگٸلٸكتٸ بيۋدجەتكە تٷسكەنٸمەن باسقا ماقساتتارعا جۇمسالادى. بارلىق دەڭگەيدەگٸ مەسليحاتتار تابيعاتتى قورعاۋعا ارنالعان جەرگٸلٸكتٸ بيۋدجەت قاراجاتىنىڭ ماقساتتى جەنە تيٸمدٸ پايدالانىلۋىن باقىلاۋعا الۋى تيٸس», - دەدٸ داريعا نۇرسۇلتانقىزى.
