قازاقستاننىڭ تۇڭعىش پرەزيدەنتٸ نۇرسۇلتان نازارباەۆ شوت-امان ۋەليحانوۆتىڭ قايتىس بولۋىنا بايلانىستى وتباسى مەن تۋعان-تۋىستارىنا كٶڭٸل ايتۋ جەدەلحاتىن جولدادى, - دەپ حابارلايدى Tengrinews.kz تٸلشٸسٸ Elbasy.kz سايتىنا سٸلتەمە جاساپ.
نۇرسۇلتان نازارباەۆ كٶرنەكتٸ سەۋلەتشٸ, قوعام قايراتكەرٸ, مەملەكەتتٸك سىيلىقتىڭ لاۋرەاتى, ەگەمەن ەلٸمٸزدٸڭ ەلتاڭباسى اۆتورىنىڭ بٸرٸ شوت-امان ۋەليحانوۆتىڭ ٶمٸردەن ٶتكەنٸ تۋرالى سۋىت حاباردى ٷلكەن كٷيزەلٸسپەن قابىلداپ, ورنى تولماس اۋىر قايعىعا ورتاقتاسىپ, كٶڭٸل ايتتى.
"شوت-امان ىدىرىسۇلى سان قىرلى دارىنى مەن بيٸك پاراساتى, ەسەلٸ ەڭبەگٸ ارقىلى ۇلتتىق سەۋلەت ٶنەرٸنٸڭ ٶركەندەۋٸنە زور ٷلەس قوسقان تۇلعا ەدٸ. ازاتتىقتىڭ بەسٸگٸ بولعان الماتى قالاسىنداعى تەۋەلسٸزدٸك مونۋمەنتٸن سومداعان شىعارماشىلىق توپ جەتەكشٸسٸ, سونداي-اق كٶپتەگەن ەڭسەلٸ ەسكەرتكٸشتەر مەن كٶرٸكتٸ عيماراتتاردىڭ اۆتورى رەتٸندە ەل مەدەنيەتٸنٸڭ دامۋىنا اتسالىستى. تالانتتى شەكٸرتتەر تەربيەلەپ, سوڭىنا بٸرقاتار عىلىمي-زەرتتەۋ ەڭبەكتەرٸن قالدىردى.
الاش جۇرتىنىڭ قۇرمەتٸنە بٶلەنگەن ابزال ازاماتتىڭ جارقىن بەينەسٸ حالىق جادىندا ەردايىم ساقتالادى دەپ سەنەمٸن", - دەلٸنگەن جەدەلحاتتا.
