نۇرسۇلتان نازارباەۆ شەرحان مۇرتازانىڭ قايتىس بولۋىنا بايلانىستى تۋعان-تۋىستارى مەن جاقىندارىنا كٶڭٸل ايتۋ جەدەلحاتىن جولدادى, دەپ حابارلايدى اقوردانىڭ باسپاسٶز قىزمەتٸ.
مەملەكەت باسشىسى قازاقستاننىڭ حالىق جازۋشىسى, مەملەكەتتٸك سىيلىقتىڭ لاۋرەاتى شەرحان مۇرتازانىڭ قايتىس بولعانى تۋرالى حاباردى زور كٷيزەلٸسپەن قابىلدادى.
«شەرحان مۇرتازا بٷكٸل عۇمىرىن تٶل ەدەبيەتٸمٸز بەن مەدەنيەتٸمٸزدٸڭ دامۋىنا ارناعان بٸرتۋار ازامات, قازاقتىڭ مۇڭىن مۇڭداپ, جوعىن جوقتاعان نار تۇلعالى قالامگەر, قارىمدى قوعام قايراتكەرٸ بولدى. ۇلت رۋحانيياتىندا ٶزٸندٸك قولتاڭباسى بار زاڭعار جازۋشى سوڭىنا مول مۇرا, ٶرٸستٸ ٶنەگە قالدىردى.
شەرحان مۇرتازا قازاق جۋرناليستەرٸنٸڭ بٸرنەشە بۋىنىن تەربيەلەگەن ۇلتتىق باسپاسٶزدٸڭ بيٸك بەيتەرەگٸ ەدٸ. قاشاندا ەدٸلدٸك پەن اقيقاتتىڭ الداسپانى بولعانى ٷشٸن قارا سٶزدٸڭ زەرگەرٸ, شىندىقتىڭ شىراقشىسى اتانعان شەرحان مۇرتازانى حالقى «شەراعاڭ» دەپ قادٸر تۇتتى. سوناۋ تەمٸرتاۋداعى ەڭبەك جولىمنىڭ تٸكەلەي كۋەسٸ بولعان ول تەۋەلسٸز مەملەكەتتٸڭ ٸرگەسٸن قالاعان جىلداردا دا جانىمدا جٷرٸپ, ەلدٸ ٸلگەرٸلەتۋ ٸسٸنە زور ٷلەس قوستى.
شەرحان مۇرتازانىڭ قازاق رۋحانيياتىنداعى ورنى مەن جارقىن بەينەسٸ ەشقاشان ۇمىتىلمايدى دەپ سەنەمٸن», - دەلٸنگەن جەدەلحاتتا.
