ەلباسى ٶزبەكستان رەسپۋبليكاسىنىڭ پرەزيدەنتٸ شاۆكات ميرزييوەۆپەن كەزدەستٸ, دەپ حابارلايدى elbasy.kz سايتى.
نۇرسۇلتان نازارباەۆ شاۆكات ميرزييوەۆتٸ ٶتكەن پرەزيدەنت سايلاۋىنداعى ايقىن جەڭٸسٸمەن قۇتتىقتاپ, باۋىرلاس ٶزبەكستان حالقىنىڭ يگٸلٸگٸ جولىنداعى جاسامپاز قىزمەتٸنە جاڭا تابىستار تٸلەدٸ.
«سايلاۋالدى ناۋقان بارىسىندا سٸز ۇسىنعان «جاڭا ٶزبەكستان» ستراتەگييالىق باعدارلاماسىندا ناقتى ماقساتتار مەن مٸندەتتەر ايقىندالعان. حالىق مەملەكەتتٸڭ قاي باعىتتا دامىپ كەلە جاتقانىن بٸلٸپ وتىرۋعا تيٸس. كەزٸندە مەن دە «قازاقستان – 2030» ستراتەگيياسىن, كەيٸن ەلٸمٸزدٸڭ 2050 جىلعا دەيٸنگٸ دامۋ باعدارلاماسىن ۇسىنعان ەدٸم. مەن مەملەكەت باسشىسى لاۋازىمىندا بولعان جىلدارى ەردايىم بٸزدٸڭ ەلدەرٸمٸز اراسىنداعى ەكٸجاقتى بايلانىستاردى دامىتۋعا باسا مەن بەردٸم. سٸز مۇنى جاقسى بٸلەسٸز», – دەدٸ قازاقستاننىڭ تۇڭعىش پرەزيدەنتٸ.
ەلباسى بٷگٸن ەكٸ ەل باسشىلارى قول قويعان وداقتاستىق بايلانىستار تۋرالى دەكلاراتسييانىڭ ماڭىزىنا توقتالىپ, قازاقستان مەن ٶزبەكستان قاتىناستارىنىڭ جاڭا پاراعى اشىلعانىن اتاپ ٶتتٸ.
«بٸزدٸ ورتاق تاريحىمىز, مەدەنيەتٸمٸز بەن سالت-دەستٷرٸمٸز بايلانىستىرادى. ەلدەرٸمٸزدٸڭ اراسىنداعى دوستىق قارىم-قاتىناستىڭ ماڭىزى زور. ول تۋىنداعان مەسەلەلەردٸ شەشۋگە سەپتٸگٸن تيگٸزەدٸ. ٶزٸڭٸزگە مەلٸم, مەن ٶڭٸرٸمٸزدەگٸ بەس مەملەكەتتٸ ەكونوميكالىق كەڭەسكە بٸرٸكتٸرۋگە تىرىستىم. سول ٷشٸن ورتالىق ازييا ەلدەرٸ باسشىلارىنىڭ كونسۋلتاتيۆتٸك كەڭەسٸن قۇرۋدى ۇسىندىم. وسى باستامانى قولداعانىڭىز ٷشٸن سٸزگە ريزاشىلىعىمدى بٸلدٸرەمٸن», – دەدٸ نۇرسۇلتان نازارباەۆ.
ٶز كەزەگٸندە ش.ميرزييوەۆ قازاقستاننىڭ بارلىق جەتٸستٸكتەرٸنە تۇڭعىش پرەزيدەنتتٸڭ ساليقالى ساياساتىنىڭ ارقاسىندا قول جەتكٸزٸلگەنٸن ايتتى. سونىمەن قاتار ەلباسىنىڭ قازاقستان-ٶزبەكستان ستراتەگييالىق ىنتىماقتاستىق قاتىناستارىنىڭ قالىپتاسۋى مەن دامۋىنا قوسقان سٷبەلٸ ٷلەسٸنە باسا مەن بەردٸ.
«تەۋەلسٸزدٸكتٸڭ 30 جىلى ٸشٸندە سٸز قازٸرگٸ قارىم-قاتىناسىمىزدىڭ نەگٸزٸن قالادىڭىز. ەلدەرٸمٸز اراسىندا ەردايىم اشىق ەرٸ سەنٸمدٸ بايلانىس بولسىن دەدٸڭٸز. سوڭعى بەس جىلدا وسى باعىتتا سەرپٸلٸس بار ەكەنٸن بايقاپ وتىرمىز. سٸزبەن بٸرگە جۇمىس ٸستەي باستاعان كەزدە ٶزبەكستان مەن قازاقستان اراسىنداعى ساۋدا اينالىمى 317 ميلليون دوللار بولاتىن, قازٸر ول 4,5 ميلليارد دوللاردان اسادى. بٷگٸن قاسىم-جومارت كەمەلۇلى توقاەۆپەن الدىمىزعا بۇل كٶرسەتكٸشتٸ ٷش-تٶرت جىلدا 10 ميلليارد دوللارعا جەتكٸزۋ تۋرالى ماڭىزدى ماقسات قويدىق», – دەدٸ ٶزبەكستان پرەزيدەنتٸ.
