قازاقستان پرەزيدەنتٸ «№1 ٶسكەمەن قالالىق اۋرۋحاناسى» كوممۋنالدىق مەملەكەتتٸك كەسٸپورنىنىڭ روبوتتاندىرىلعان حيرۋرگييا ورتالىعىنا باردى, دەپ حابارلايدى "ۇلت اقپارات".
نۇرسۇلتان نازارباەۆ «№1 ٶسكەمەن قالالىق اۋرۋحاناسى» كوممۋنالدىق مەملەكەتتٸك كەسٸپورنىنىڭ بازاسىندا قۇرىلعان قازاقستانداعى تۇڭعىش روبوتتاندىرىلعان حيرۋرگييا ورتالىعىنىڭ جۇمىسىمەن تانىستى. ورتالىقتى ارالاۋ بارىسىندا مەملەكەت باسشىسىنا زاماناۋي وپەراتسييالىق-تسيفرلىق كەشەننٸڭ جۇمىسى مەن ونىڭ دامۋ پەرسپەكتيۆالارى جٶنٸندە باياندالدى.
سونىمەن قاتار, قازاقستان پرەزيدەنتٸ تەلەكٶپٸر رەجٸمٸندە وبلىستىڭ اياگٶز جەنە زىريان اۋداندارىنداعى ينسۋلتتٸك ورتالىقتاردىڭ ۇجىمدارىمەن ەڭگٸمەلەستٸ.
ەلباسى شالعاي ەلدٸ مەكەندەردە مەديتسينالىق ورتالىقتار سالۋ ماقساتىمەن مەملەكەت تاراپىنان اتقارىلىپ جاتقان جۇمىستاردىڭ نەتيجەلەرٸنە توقتالدى.
مەملەكەت باسشىسى جٷرەك-قان تامىرى اۋرۋلارىن ەمدەۋ ساپاسىن جاقسارتۋدىڭ جەنە بالا مەن انا ٶلٸمٸنٸڭ الدىن الۋدىڭ ماڭىزدىلىعىن اتاپ ٶتتٸ.
– قازاقستاننىڭ ەربٸر وبلىسىندا جٷرەك-قان تامىرى اۋرۋلارىنان قايتىس بولاتىنداردىڭ سانىن ازايتۋ ماقساتىمەن جٷرەككە وتا جاسايتىن مەديتسينالىق ورتالىقتار سالىندى. قازٸرگٸ ۋاقىتتا ٶلٸم-جٸتٸم كٶرسەتكٸشٸن تٶمەندەتە الدىق, – دەدٸ قازاقستان پرەزيدەنتٸ.
سونىمەن قاتار, نۇرسۇلتان نازارباەۆ سالاماتتى ٶمٸر سالتىن ناسيحاتتاۋ ارقىلى تٷرلٸ اۋرۋلاردىڭ الدىن الۋ قاجەتتٸگٸن ايتتى.
– بٸزدٸڭ دەنساۋلىعىمىزدىڭ 10-15 پايىزى عانا دەرٸگەرلەر مەن مەديتسيناعا, قالعانى ٶزٸمٸزدٸڭ ٶمٸر سٷرۋ سالتىمىزعا بايلانىستى. بولاشاق نەرەستەنٸڭ دەنساۋلىعى انانىڭ دەنساۋلىعىنا بايلانىستى ەكەنٸن تٷسٸندٸرۋ قاجەت, – دەدٸ مەملەكەت باسشىسى.
مەملەكەت باسشىسى دەنساۋلىق ساقتاۋ سالاسىنداعى روبوتتاندىرىلعان حيرۋرگييا جٷيەلەرٸنٸڭ تيٸمدٸلٸگٸنە توقتالدى.
وسىعان وراي ەلباسى مەديتسينا سالاسىنداعى كادرلاردى ساپالى دايارلاۋدى قامتاماسىز ەتۋدٸڭ قاجەتتٸگٸن دە اتاپ ٶتتٸ.
سوڭىندا قازاقستان پرەزيدەنتٸ ورتالىقتىڭ قىزمەتكەرلەرٸنە جەنە ەمدەلۋشٸلەرگە زور دەنساۋلىق پەن تابىس تٸلەدٸ.
