فوتو: قاراعاندى وبلىسىنىڭ ەكٸمدٸگٸ
«اشىق نقا» پورتالىندا «نازارباەۆ زيياتكەرلٸك مەكتەپتەرٸ» دەربەس بٸلٸم بەرۋ ۇيىمىندا دارىندى بالالاردىڭ وقۋىنا اقى تٶلەۋگە ارنالعان قر پرەزيدەنتٸنٸڭ «ٶركەن» بٸلٸم بەرۋ گرانتىن تاعايىنداۋ قاعيدالارى مەن مٶلشەرلەرٸن بەكٸتۋ تۋرالى» وقۋ-اعارتۋ مينيسترلٸگٸنٸڭ بۇيرىعىنا ٶزگەرٸس ەنگٸزۋدٸ كٶزدەيتٸن بۇيرىق جوباسى جارييالاندى, دەپ حابارلايدى Kazinform.
«گرانتتىڭ مٶلشەرلەرٸ:
1) جاتاقحانادا تۇرۋدى ەسەپتەمەگەندە, كٷنتٸزبەلٸك جىلعا 2 349 191 (ەكٸ ميلليون ٷش جٷز قىرىق توعىز مىڭ جٷز توقسان بٸر) تەڭگە;
2) جاتاقحانادا تۇرۋدى ەسەپتەگەندە, كٷنتٸزبەلٸك جىلعا 3 247 305 (ٷش ميلليون ەكٸ جٷز قىرىق جەتٸ مىڭ ٷش جٷز بەس) تەڭگەنٸ قۇرايدى», - دەلٸنگەن ۇسىنىلىپ وتىر بۇيرىق جوباسىندا.
ال قولدانىستاعى بۇيرىق جوباسىندا جاتاقحانادا تۇرۋ اقىسىن ەسەپتەمەگەندەگٸ جىلدىق گرانت قۇنى 2 150 208 تەڭگە, جاتاقحانادا تۇرۋ باعاسىن قوسقانداعى جىلدىق گرانت قۇنى 3 036 859 تەڭگە بولعان.
بۇيرىق جوباسى 29 قاڭتارعا دەيٸن قوعام تالقىلاۋىندا بولادى.
