تٷركٸستان قالاسىنا ساپارى بارىسىندا نۇرسۇلتان نازارباەۆ قازاق حاندىعىنا ارنالعان مەموريالدىڭ اشىلۋ رەسٸمٸنە قاتىستى, سونداي-اق «تۇڭعىش پرەزيدەنت ساياباعىن» ودان ەرٸ اباتتاندىرۋ جوسپارىمەن تانىستى, دەپ حابارلايدى "ۇلت اقپارات" Elbasy.kz سايتىنا سٸلتەمە جاساپ.
مەموريالدىڭ اشىلۋ رەسٸمٸ اياسىندا نۇرسۇلتان نازارباەۆ «ۇلى دالا بٸرلٸگٸ» كاپسۋلاسىن سالدى. كاپسۋلاعا قازاقستاننىڭ بارلىق ٶڭٸرلەرٸندەگٸ كيەلٸ جەرلەردٸڭ توپىراعى جينالعان.
ايتا كەتەيٸك, «قازاق حاندىعىنا ارنالعان مەموريالدىق كەشەن» قازاق حاندىعىنىڭ نەگٸزٸن قالاۋشىلاردىڭ قۇرمەتٸنە تۇرعىزىلعان. كەشەندە يٸلگەن 21 قاناتتى كٶرۋگە بولادى. بۇل تٷركٸستاندا جەرلەنگەن 21 حاندى بٸلدٸرەدٸ. ەسٸم حاننان ەليكەن حانعا دەيٸنگٸ بابالارىمىزدىڭ ەسٸمدەرٸ مەن باسقارعان جىلدارى دا جازىلعان.
مەموريالدىڭ ارحيتەكتۋرالىق شەشٸمٸ – بيٸكتٸگٸ 7 مەترلٸك ساتىلى 21 پيلوننان تۇراتىن, ديامەترٸ 35 مەترگە تەڭ كيٸز ٷي بەينەلٸ كومپوزيتسييا.
سەۋلەت كەشەنٸنٸڭ ورتالىق بٶلٸگٸندەگٸ گرانيت تۇعىردا حاندار ۇستايتىن اساتاياق پٸشٸندەس, بيٸكتٸگٸ 12 مەترگە تەڭ ستەلا ورناتىلعان. ونىڭ تٷبٸندە تٶرت تاۋتەكە مٷسٸنٸ بار. ورتالىق كومپوزيتسييانى ٸشكٸ جاعىنان ۇزىندىعى 28 مەترلٸك «قازاق حاندىعىنىڭ تاريحى» بارەلەفٸ قورشاپ تۇر.
جوبالاۋ قۇنى 1,9 ملرد تەڭگە بولاتىن مەموريالدىق كەشەننٸڭ جالپى اۋدانى 0,85 گا قۇرايدى. جاڭا نىساننىڭ بارالەفٸندە قازاق بيلەرٸنٸڭ, قازاق دانالارىنىڭ كٶركەمسٶزدەرٸ قاشالعان. شەڭبەر تەرٸزدەس سالىنعان پيلوندارداعى گرانيتتٸك تاقتايشالارعا قازاق دالاسىن باسقارعان 21 حاننىڭ ەسٸمدەرٸمەن قاتار ولاردىڭ بيلٸك جٷرگٸزگەن جىلدارى دا جازىلعان.
«تٷركٸستاننىڭ ۇلتاراقتاي جەرٸ ات باسىنداي التىنعا تاتيدى دەگەن راس ەكەن. بٸز قالا بۇنداي جىلدام داميدى دەپ ويلامادىق. تٷركٸ ەلەمٸنٸڭ رۋحاني استاناسىنا اينالعان تٷركٸستاننىڭ وسىنشاما جىلدام دامۋى ەلباسىنىڭ ارقاسى. تٷلەگەن تٷركٸستاننىڭ قازٸرگٸ كەلبەتٸ - ەلباسىنىڭ تۋىندىسى. ەل اعىلىپ كەلٸپ جاتىر. بۇرىن ىستىقتان كٷندٸز جٷرە المايتىنبىز. قازٸر بارلىق جەردە سۋبۇرقاق, ساياباق سالىندى, تالدار ەگٸلدٸ. اينالا كٶك مايسا. كٶز تويماس عيماراتتار اشىلىپ جاتىر. وسىنىڭ بەرٸ ەلباسىنىڭ ەڭبەگٸ. ٸستەيمٸن دەگەن ادامعا قازٸر تٷركٸستاندا جۇمىس كٶپ. قاسيەتتٸ قالامىزدىڭ ەلٸدە ادام تانىماستاي ٶزگەرە بەرەتٸنە سەنەمٸز. تٷركٸستان ەلەمدەگٸ كٶپتەگەن حالىقتاردىڭ رۋحاني ورتالىعىنا اينالىپ وتىر. بۇندا كەلگەن ادامداردىڭ جٷزٸنەن مەيٸرٸم كٶرٸنەدٸ. تٷركٸستان جٷرەككە يمان ٷيٸرەدٸ. قالا كٶڭٸلگە تىنىشتىق, جايلىلىق سىيلايدى», - دەيدٸ قوجا احمەت ياساۋي اتىنداعى قازاق-تٷرٸك حالىقارالىق ۋنيۆەرسيتەتٸنٸڭ دوتسەنتٸ گٷلسارا توقىلوۆا.
