ەلباسى الماتى وبلىسىنا جۇمىس ساپارىمەن باردى, دەپ حابارلايدى "ۇلت اقپارات" اقورداعا سٸلتەمە جاساپ.
قازاقستان پرەزيدەنتٸ الماتى وبلىسىنىڭ ٷشارال قالاسىنا كەلگەننەن كەيٸن جاڭا ەۋەجايدىڭ قىزمەتٸمەن جەنە وبلىستىڭ شاعىن اۆياتسييا سالاسىن دامىتۋ پەرسپەكتيۆالارىمەن تانىستى.
الاكٶل اۋدانىنىڭ اقشي كەنتٸ ستانساسىنداعى تەمٸر جول ۆوكزالىنىڭ جاڭا عيماراتىن ارالاپ كٶرگەن سوڭ, مەملەكەت باسشىسىنىڭ تٶراعالىعىمەن ەلٸمٸزدٸڭ تۋريزم سالاسىن جەنە كٶلٸك-لوگيستيكا ينفراقۇرىلىمىن دامىتۋ مەسەلەلەرٸ جٶنٸندە كەڭەس ٶتتٸ.
جيىن بارىسىندا ٶڭٸر باسشىسى اماندىق باتالوۆ نۇرسۇلتان نازارباەۆقا الماتى وبلىسىنداعى تۋريزمنٸڭ دامۋ بارىسى جٶنٸندە باياندادى.
– سوڭعى تٶرت جىلدا وبلىستا تۋريستٸك قىزمەت كٶرسەتۋ كٶلەمٸ ەكٸ ەسە ارتتى. بۇل كٶرسەتكٸش 2014 جىلى 3,9 ميلليارد تەڭگەنٸ قۇراسا, 2017 جىلى 8,3 ميلليارد تەڭگەگە ٶستٸ. 2018 جىلى مۇنى 10 ميلليارد تەڭگەگە دەيٸن جەتكٸزۋدٸ جوسپارلاپ وتىرمىز. الاكٶل اۋدانىندا كٶرسەتٸلگەن قىزمەت كٶلەمٸ 2017 جىلى 3,5 ميلليارد تەڭگەگە جەتٸپ, 2014 جىلعى دەڭگەيمەن سالىستىرعاندا 8 ەسە ارتتى, – دەدٸ الماتى وبلىسىنىڭ ەكٸمٸ.
ينۆەستيتسييالار جەنە دامۋ مينيسترٸ جەڭٸس قاسىمبەك «نۇرلى جول» ينفراقۇرىلىمدى دامىتۋدىڭ مەملەكەتتٸك باعدارلاماسىنىڭ جەرگٸلٸكتٸ جەنە رەسپۋبليكالىق ماڭىزى بار اۆتوموبيل جولدارىن سالۋعا قاتىستى بٶلٸگٸنٸڭ ٸسكە اسىرىلۋ بارىسى جٶنٸندە باياندادى.
– 2017 جىلى رەسپۋبليكالىق ماڭىزى بار 4 مىڭ شاقىرىمنان استام اۆتوموبيل جولىنا جٶندەۋ جۇمىستارى جٷرگٸزٸلدٸ. سونىڭ ٸشٸندە 603 شاقىرىم جول پايدالانۋعا بەرٸلدٸ. جالپى, 2022 جىلعا دەيٸن 24 مىڭ شاقىرىم جولدىڭ بارلىعى بٸر قالىپقا كەلەدٸ دەگەن ويدامىز, – دەدٸ ينۆەستيتسييالار جەنە دامۋ مينيسترٸ.
سونداي-اق, كەڭەستە «قازاقستان تەمٸر جولى» ۇك» اق پرەزيدەنتٸ قانات الپىسباەۆ مەملەكەت باسشىسىنا الاكٶل دەمالىس ايماعىنىڭ 2020 جىلعا دەيٸنگٸ كٶلٸكتٸك قولجەتٸمدٸ كارتاسىن تانىستىرىپ, ترانزيتتٸك تاسىمالداۋ ٸسٸن دامىتۋ ستراتەگيياسىنىڭ جٷزەگە اسىرىلۋى بارىسى جٶنٸندە باياندادى.
مەدەنيەت جەنە سپورت مينيسترٸ ارىستانبەك مۇحامەديۇلى ٸشكٸ جەنە سىرتقى تۋريزمدٸ دامىتۋ جولىندا بارلىق كەدەرگٸلەردٸ الىپ تاستاۋ ماقساتىمەن قازاقستان حالقىنا ارنالعان جولداۋدا ايتىلعان تاپسىرمالاردىڭ ٸسكە اسىرىلۋى, سونىمەن قاتار ەكسپو-نىڭ جاعىمدى ەسەرٸن قولداۋ ٷشٸن مينيسترلٸك تاراپىنان اتقارىلىپ جاتقان شارالار جٶنٸندە باياندادى.
– ەلٸمٸز تۋريزمنٸڭ ەكونوميكالىق ەسەرٸن ٸس جٷزٸندە ەكسپو-نى ٶتكٸزۋ بارىسىندا سەزٸندٸ. سول كەزدە قازاقستانعا 7 ميلليوننان استام تۋريست كەلدٸ. بۇل ٶتكەن جىلمەن سالىستىرعاندا 18 پايىزعا كٶپ. ٸشكٸ تۋريزم لەگٸ 20 پايىزعا ارتىپ, شامامەن 6 ميلليون ادامعا جەتتٸ, – دەدٸ ۆەدومستۆو باسشىسى.
كەڭەس قورىتىندىسى بويىنشا جەنە تۋريستٸك كلاستەر نىساندارىن ارالاعاننان كەيٸن نۇرسۇلتان نازارباەۆ قازاقستاننىڭ تۋريزم سالاسىن ودان ەرٸ دامىتۋ ٷشٸن ورتالىق مەملەكەتتٸك جەنە جەرگٸلٸكتٸ اقتارۋشى ورگاندارعا بٸرقاتار تاپسىرما بەردٸ.
– الاكٶل قازاقستان بويىنشا ەڭ كٶپ دەمالۋشى باراتىن جەرگە اينالۋى كەرەك. ول ىڭعايلى جەردە ورنالاسۋىمەن ەرەكشەلەنٸپ, بارلىق ٶڭٸردٸڭ تۇرعىندارى ٷشٸن قولجەتٸمدٸ بولىپ وتىر. كٶلدٸڭ بٸرەگەيلٸگٸ سۋىنىڭ ەمدٸك قاسيەتٸنە بايلانىستى. ونىڭ قۇرامىندا رادون, سٸلتٸ جەنە باسقا دا پايدالى ەلەمەنتتەر بار. وسىعان بايلانىستى الاكٶل ەلٸمٸزدٸڭ تۋريزم سالاسى ٷشٸن ٶتە ماڭىزدى, – دەدٸ مەملەكەت باسشىسى.
ودان كەيٸن ەلباسى «Atameken business city» كٶرمە كەشەنٸنە باردى. كٶرمە كەشەنٸنە بارىپ, ونىڭ جۇمىسىمەن تانىستى.
اماندىق باتالوۆ مەملەكەت باسشىسىنا «تسيفرلىق قازاقستان», «رۋحاني جاڭعىرۋ» باعدارلامالارى مەن «پرەزيدەنتتٸڭ بەس ەلەۋمەتتٸك باستاماسىنىڭ» الماتى وبلىسىندا جٷزەگە اسىرىلۋ بارىسى جٶنٸندە باياندادى.
قازاقستان پرەزيدەنتٸ الماتى وبلىسىنىڭ ارتىقشىلىقتارىنا توقتالىپ, تۋريستٸك كلاستەردٸ دامىتۋ ٷشٸن تابيعي-كليماتتىق جاعدايى قولايلى ەرٸ گەوگرافييالىق تۇرعىدان ۇتىمدى ورنالاسقانىن جەنە ەلەۋەتٸنٸڭ زور ەكەنٸن دە اتاپ ٶتتٸ.
