«قازگيدرومەت» رمك مەلٸمەتٸنشە, ەلٸمٸزدٸڭ 9 ٶڭٸرٸندە ەسكەرتۋ جارييالاندى, دەپ حابارلايدى قازاقپارات تٶتەنشە جاعدايلار كوميتەتٸنە سٸلتەمە جاساپ.
21 مامىر كٷنٸ نۇر-سۇلتان قالاسىندا نايزاعاي جارقىلداپ, جەلدٸڭ كٷشٸ سەكۋندىنا 15-18 مەترگە جەتەدٸ.
21 مامىردا الماتى قالاسىندا تاۋدا كٶشكٸن جٷرۋٸ مٷمكٸن.
21 مامىردا اقمولا وبلىسىندا كەي جەرلەردە كٷن كٷركٸرەپ, داۋىل سوعادى. بۇرشاق جاۋادى. جەلدٸڭ ەكپٸنٸ - سەكۋندىنا 15-20 مەتر.
اتىراۋ وبلىسىندا قاتتى جاڭبىر جاۋىپ, نايزاعاي وينايدى. جەل قارقىنى سەكۋندىنا 15-20 مەتر بولادى.
21 مامىردا قوستاناي وبلىسىندا كٷن كٷركٸرەيدٸ, جەل كٷشەيەدٸ. جەل جىلدامدىعى - سەكۋندىنا 15-18 مەتر.
قىزىلوردا وبلىسىندا نايزاعاي جارقىلدايدى, جەل سەكۋندىنا 15-18 مەترگە دەيٸن كٷشەيەدٸ.
ماڭعىستاۋ وبلىسىندا شاڭدى داۋىل سوعادى, جەلدٸڭ ەكپٸنٸ - سەكۋندىنا 15-20 مەتر.
21 مامىردا پاۆلودار وبلىسىندا نايزاعاي وينايدى, داۋىل سوعادى. بۇرشاق جاۋىپ, جەل كٷشەيەدٸ. جەل قارقىنى - سەكۋندىنا 15-18 مەتر.
سولتٷستٸك قازاقستان وبلىسىندا جاڭبىر جاۋادى. نايزاعاي جارقىلداپ, داۋىل تۇرادى, بۇرشاق جاۋادى. جەلدٸڭ ەكپٸنٸ - سەكۋندىنا 15-20 مەتر, كٷندٸز سەكۋندىنا 25 مەترگە جەتەدٸ.
تٶتەنشە جاعدايلار كوميتەتٸ تۇرعىندارعا اۋا رايىنىڭ كٷرت قۇبىلۋىن نازاردان شىعارماۋدى سۇرايدى. داۋىلدى ەسكەرتۋ تۋرالى حابارلاماعا قۇلاق اسىپ, قاجەتتٸ ساقتىق جاساۋ كەرەك. جەلدٸڭ جىلدامدىعى سەكۋندىنا 15-20 جەنە تٸپتٸ سەكۋندىنا 30 مەترگە دەيٸن كٷشەيەدٸ.
ەلدٸ مەكەندەردە قاۋٸپسٸزدٸك تەحنيكاسىنىڭ باستى ەرەجەسٸن ۇستانۋ كەرەك. شاعىن قالالار مەن مەگاپوليستەردە داۋىل كەزٸندە زارداپ شەگۋ ىقتيمالدىعى جوعارى بولادى. قاتتى داۋىل سوققاندا ٷيدەگٸ بارلىق تەرەزە تىعىز جابىلۋى تيٸس. تولىق جابىلماعان بالكون مەن لودجييادان قاتتى جەل كەزٸندە سىرتقا ۇشىپ كەتۋٸ مٷمكٸن بارلىق زاتتى (قۇمىرا, جەشٸك, شٶلمەك جەنە ت.ب.) الىپ تاستاۋ كەرەك.
تۇرعىن ٷي بۇرىشىنداعى بالكونداردا داۋىل كەزٸندە راماسىمەن بٸرگە تەرەزەسٸ ۇشىپ كەتكەن جاعداي كەزدەسەدٸ. كٶشەدە داۋىل تۇرعان كەزدە جارناما قالقاندارى (جەنە باسقا دا اسپالى قۇرىلىمدار), اۆتوبۋس ايالداماسى, ەلەكتر باعاناسى مەن جەلٸسٸ, سونداي-اق اعاشتاردان بارىنشا الىس تۇرىڭىز.
اينالاڭىزعا ساق بولىڭىز, ٷستٸگە قۇلاپ كەتۋٸ مٷمكٸن زاتتاردان الشاق بولۋىڭىز. ٷزٸلگەن سىمدار مەن قۇلايتىن زاتتارعا (اعاشتارعا) جاقىنداۋعا بولمايدى. «قاتتى جەل سوقسا ول تىيىلعانشا جاقىن ماڭداعى عيماراتتا نەمەسە تابيعي ىقتاسىنعا جاسىرىنۋ قاجەت.
ٷلكەن اعاشتىڭ, ەسٸرەسە تەرەكتٸڭ استىنا كٶلٸك قويۋعا بولمايدى, ٶيتكەنٸ اعاش نەمەسە ونىڭ ٸرٸ بۇتاعى قۇلاپ باسىپ قالۋى مٷمكٸن. شٸرٸگەن جەنە كەرٸ, سونداي-اق جالعىز تۇرعان اعاشتار دا ٶتە قاۋٸپتٸ.
«ٷيدەن شىقپاڭىزدار, جاقىندارىڭىزدى قورعاڭىزدار» دەپ ەسكەرتەدٸ كوميتەت.
