«قازگيدرومەت» رمك 29 مامىر كٷنٸ اۋا رايىنىڭ بۇزىلۋىنا بايلانىستى بٸرنەشە ٶڭٸردە ەسكەرتۋ جارييالادى, دەپ حابارلايدى "ۇلت اقپارات".
اتاپ ايتقاندا, اتىراۋ وبلىسىنىڭ كەي جەرلەرٸندە نايزاعاي كٷتٸلەدٸ. وڭتٷستٸك-باتىستان جەل سوعادى, كٷشٸ كٷندٸز 15-20 م/س جەتەدٸ. كٷندٸز 35 گرادۋسقا دەيٸن قاتتى ىستىق ساقتالادى. سونداي-اق ٶتە جوعارى ٶرت قاۋپٸ بولجانادى.
كٷندٸز اقتٶبە وبلىسىنىڭ كەي جەرلەرٸندە نايزاعاي كٷتٸلەدٸ, شىعىستان, وڭتٷستٸك-شىعىستان سوعاتىن جەلدٸڭ ەكپٸنٸ 15 م/س كٷشەيەدٸ.
باتىس قازاقستان وبلىسىنىڭ كەي جەرلەرٸندە نايزاعاي, بۇرشاق بولادى. جەل سولتٷستٸك-شىعىستان, شىعىستان سوعادى, كٷندٸز جىلدامدىعى 15-20 م/س قۇرايدى.
29-30 مامىردا قاراعاندى وبلىسىندا جەلدٸڭ كٷشٸ شىعىستان وڭتٷستٸك-باتىسقا اۋىسىپ, كەي جەرلەردە 15-20 م/س ارتادى. كٷندٸز 30 مامىردا جەكەلەگەن اۋماقتاردا نايزاعاي كٷتٸلەدٸ.
كٷندٸز 29-30, تەۋلٸك بويى 31 مامىردا جامبىل وبلىسىنىڭ كەي جەرلەرٸندە نايزاعاي, بۇرشاق بولجانادى. 29-31 مامىردا سولتٷستٸك-شىعىستان جەل سوعادى, كەي جەرلەردە 15-20 م/س كٷتٸلەدٸ. كٷندٸز 29-31 مامىردا 38 گرادۋسقا دەيٸن قاتتى ىستىق بولادى.
