«Qazgidromet» RMK 29 mamyr kúni aýa raiynyń buzylýyna bailanysty birneshe óńirde eskertý jariialady, dep habarlaidy "Ult aqparat".
Atap aitqanda, Atyraý oblysynyń kei jerlerinde naizaǵai kútiledi. Ońtústik-batystan jel soǵady, kúshi kúndiz 15-20 m/s jetedi. Kúndiz 35 gradýsqa deiin qatty ystyq saqtalady. Sondai-aq óte joǵary órt qaýpi boljanady.
Kúndiz Aqtóbe oblysynyń kei jerlerinde naizaǵai kútiledi, shyǵystan, ońtústik-shyǵystan soǵatyn jeldiń ekpini 15 m/s kúsheiedi.
Batys Qazaqstan oblysynyń kei jerlerinde naizaǵai, burshaq bolady. Jel soltústik-shyǵystan, shyǵystan soǵady, kúndiz jyldamdyǵy 15-20 m/s quraidy.
29-30 mamyrda Qaraǵandy oblysynda jeldiń kúshi shyǵystan ońtústik-batysqa aýysyp, kei jerlerde 15-20 m/s artady. Kúndiz 30 mamyrda jekelegen aýmaqtarda naizaǵai kútiledi.
Kúndiz 29-30, táýlik boiy 31 mamyrda Jambyl oblysynyń kei jerlerinde naizaǵai, burshaq boljanady. 29-31 mamyrda soltústik-shyǵystan jel soǵady, kei jerlerde 15-20 m/s kútiledi. Kúndiz 29-31 mamyrda 38 gradýsqa deiin qatty ystyq bolady.
