ەۋروپارلامەنت رەسەيلٸك وپپوزيتسيونەر الەكسەي ناۆالنىيعا اندرەي ساحاروۆ اتىنداعى سىيلىقتى بەردٸ. بۇل تۋرالى ناۆالنىيدى وسى سىيلىققا ۇسىنعان ەۋروپارلامەنت فراكتسيياسى حابارلادى, دەپ جازادى ازاتتىق.
سىيلىق يەگەرٸ رەسمي تٷردە 20 قازان كەشكٸسٸن جارييالانادى.
ساحاروۆ سىيلىعى – ەۋرووداقتىڭ ادام قۇقىعى بويىنشا ەڭ بەدەلدٸ سىيلىعى. ناۆالنىيدىڭ كانديداتۋراسىن ەۋروپارلامەنتتەگٸ ٸرٸ فراكتسييا – ەۋروپا حالىق پارتيياسى جەنە دەپۋتاتتار سانى جٶنٸنەن ٷشٸنشٸ فراكتسييا "ەۋروپانى جاڭارتۋ" پارتيياسى ۇسىنعان. ولار ناۆالنىيعا بۇل سىيلىقتى "بوستاندىق, دەموكراتييا جەنە ادام قۇقىعى ٷشٸن كٷرەستەگٸ ەرجٷرەكتٸگٸ" ٷشٸن بەرۋ كەرەك دەگەن.
ناۆالنىي بىلتىر ۋلانىپ, گەرمانييادا ەمدەلٸپ شىققان سوڭ رەسەيگە ورالعان. ول رەسەيگە كەلە سالا كولونيياعا قامالعان ەدٸ. وپپوزيتسيونەر 2023 جىلدىڭ كٷزٸندە بوستاندىققا شىعۋى تيٸس. بٸراق ونىڭ ٷستٸنەن تاعى بٸرنەشە ٸس قوزعالعان.
- بىلتىر ساحاروۆ سىيلىعىن بەلارۋس وپپوزيتسيياسى, ال 2018 جىلى ۋكراينالىق رەجيسسەر ولەگ سەنتسوۆ (رەسەي اننەكتسييالاپ العان قىرىمدا تۇتقىندالعان) العان ەدٸ. سەنتسوۆ رەسەي تٷرمەسٸنەن شىققان سوڭ ەۋروپارلامەنتتە سٶز سٶيلەگەن.
- ناۆالنىي بىلتىر بەيبٸتشٸلٸك جٶنٸندەگٸ نوبەل سىيلىعىنا ۇسىنىلعان. بٸراق بۇل جولى نوبەل سىيلىعىن فيليپپيندٸك جۋرناليست مارييا رەسسا مەن رەسەيلٸك جۋرناليست دميتريي مۋراتوۆ الدى.
- ساحاروۆ سىيلىعىنا ٷمٸتكەرلەر قاتارىندا ناۆالنىيدان بٶلەك اۋعانستاندىق 11 ەيەل (قۇقىق قورعاۋشىلار, بەلسەندٸلەر) مەن بوليۆييانىڭ بۇرىنعى پرەزيدەنتٸ جانين انەس بولعان.
