2020 جىلدىڭ ناۋرىزىنان بەرٸ تۇرمىستىق زورلىق-زومبىلىقتان 33 قازاقستاندىق كٶز جۇمدى. بۇل تۋرالى قر ٸٸم تەرگەۋ دەپارتامەنتٸنٸڭ اسا ماڭىزدى ٸستەر جٶنٸندەگٸ اعا تەرگەۋشٸسٸ ارمان مەتجان مەلٸم ەتتٸ, دەپ حابارلايدى "ۇلت اقپارات".
ورتالىق كوممۋنيكاتسييالار قىزمەتٸندەگٸ باسپاسٶز مەسليحاتىندا بيىلعى 16 ناۋرىزدان باستاپ قازٸرگٸ ۋاقىتقا دەيٸن قانشا تۇرمىستىق زورلىق-زومبىلىق ورىن العانى تۋرالى سۇراق قويىلدى.
«2020 جىلعى 16 ناۋرىزدا تٶتەنشە جاعداي ەنگٸزٸلگەننەن باستاپ 5 تامىزعا دەيٸنگٸ ارالىقتا 241 تۇرمىستىق زورلىق-زومبىلىقپەن بايلانىستى قىلمىستىق قۇقىقبۇزۋشىلىق تٸركەلدٸ. ونىڭ ٸشٸندە 33-ٸ ادامداردىڭ قازا تابۋىمەن, ياعني ٶلٸمٸمەن اياقتالدى. ٶتكەن جىلدىڭ ۇقساس كەزەڭٸنە تالداۋدى ناقتى وسى مەرزٸم ارالىعىندا جٷرگٸزبەگەن ەدٸك. بٸراق بٸز 16 ناۋرىز بەن 31 شٸلدە ارالىعىنداعى مەلٸمەتتەرگە سالىستىرمالى تالداۋ جاساعان بولاتىنبىز. اتاپ ايتقاندا, 31 شٸلدەگە دەيٸنگٸ ارالىقتا 237 قىلمىستىق قۇقىقبۇزۋشىلىق تٸركەلگەن. بۇل ٶتكەن جىلدىڭ وسى مەرزٸمٸنٸڭ ارالىعىمەن سالىستىرعاندا, 41,7 پايىزعا كٶپ», - دەدٸ ا. مەتجان تٸلشٸلەر ساۋالىنا جاۋاپ بەرە وتىرىپ.
وسى ورايدا ول ٶتكەن جىلى 16 ناۋرىز بەن 31 شٸلدە ارالىعىندا 168 وسىنداي قىلمىستىق قۇقىقبۇزۋشىلىق تٸركەلگەنٸن ناقتىلادى.
