فوتو: gov.kz
2 ناۋرىزدان باستاپ تۇرعىن ٷي كەزەگٸندە تۇرعان ازاماتتارعا باسپانا بٶلۋ جەنە جەڭٸلدەتٸلگەن نەسيە بەرۋ تەرتٸبٸ ٶزگەرەدٸ. ەندٸ "وتباسى بانك" پەتەرلەردٸ تەك دەرەكتەرٸ مٸندەتتٸ تٷگەندەۋدەن ٶتكەن ازاماتتارعا عانا ۇسىنادى. بۇل تۋرالى قارجى ينستيتۋتى حابارلادى.
ينستيتۋتىنىڭ مەلٸمەتٸنشە, تٷگەندەۋ رەسٸمٸ كەزەكتە تۇرعان ازاماتتاردىڭ دەرەكتەرٸنٸڭ ٶزەكتٸلٸگٸن تەكسەرۋگە باعىتتالعان. اتاپ ايتقاندا, وتباسى قۇرامى, ساناتى جەنە تۇرعىن ٷيٸنٸڭ بار-جوعى قايتا قارالادى. ول ٷشٸن ازاماتتار ارنايى پورتال ارقىلى رەسٸمنەن ٶتٸپ, دەربەس دەرەكتەرٸن ٶڭدەۋگە كەلٸسٸم بەرۋٸ تيٸس.
ەگەر ازامات تٷگەندەۋدەن ٶتپەسە, ول تۇرعىن ٷيگە مۇقتاجدار تٸزٸمٸنەن شىعارىلمايدى. الايدا دەرەكتەرٸ ناقتىلانعانعا دەيٸن بانك جالدامالى باسپانا ۇسىنبايدى جەنە جىلدىق 2 نەمەسە 5 پايىزدىق مٶلشەرلەمەمەن جەڭٸلدەتٸلگەن نەسيە بەرمەيدٸ.
بۇعان دەيٸن ۋاقىتشا تەرتٸپ قولدانىلعان. جاڭا جٷيەنٸ جەدەل ٸسكە قوسۋ ماقساتىندا پەتەرلەر الدىمەن تٷگەندەۋسٸز بٶلٸنٸپ, كەيٸن ازاماتتاردىڭ مەلٸمەتٸ تەكسەرٸلگەن. سونىڭ سالدارىنان بٸرقاتار قيىندىقتار تۋىنداعان.
بانك ٶكٸلدەرٸنٸڭ ايتۋىنشا, كەي جاعدايلاردا تٷگەندەۋ بارىسىندا كەزەكتە تۇرعان ازاماتتىڭ بۇرىن باسپانا ساتىپ العانى انىقتالعان. سونداي-اق وتباسى قۇرامىندا ٶزگەرٸس بولىپ, بالا سانى ارتقانىنا قاراماستان شاعىن پەتەر بٶلٸنگەن جاعدايلار كەزدەسكەن. مۇنداي كەزدە قۇجاتتاردى قايتا رەسٸمدەۋگە تۋرا كەلگەن.
قازٸرگٸ ۋاقىتتا "وتباسى بانك" تۇرعىن ٷيدٸ ۇلتتىق دامۋ ينستيتۋتى مەرتەبەسٸندە بٶلەدٸ. وبلىس ەكٸمدٸكتەرٸ بانككە 13 393 پەتەر تاپسىرعان: ونىڭ 8 846-سى جالدامالى تۇرعىن ٷيگە, 4 547-سٸ نەسيەلٸك باسپاناعا ارنالعان. پەتەر بٶلۋ باستالعالى بەرٸ 4 216 وتباسى باسپانالى بولعان.
24 اقپانداعى دەرەك بويىنشا, 257 مىڭ ازامات تٷگەندەۋ رەسٸمٸنەن ٶتكەن.
جاڭا تەرتٸپ تۇرعىن ٷيدٸ ەدٸل بٶلۋگە جەنە كەزەكتە تۇرعان ازاماتتاردىڭ ناقتى جاعدايىن ەسكەرۋگە مٷمكٸندٸك بەرەدٸ.
