فوتو: e-history.kz
ناۋرىز – كٶكتەمنٸڭ كەلۋٸن بٸلدٸرەتٸن ەڭ كٶنە مەيرامداردىڭ بٸرٸ. بۇل كٷن شىعىس حالىقتارى ٷشٸن جاڭا جىلدىڭ باستاۋى سانالادى. قازاقستاندا مەرەكە جىل سايىن 21–23 ناۋرىز ارالىعىندا اتاپ ٶتٸلەدٸ. دەل وسى ۋاقىتتا كٷن مەن تٷن تەڭەلٸپ, تابيعات جاڭارادى, دەپ جازادى Ult.kz.
ناۋرىزدىڭ تاريحى مىڭداعان جىلدارعا سوزىلادى. "ناۋرىز" سٶزٸ پارسى تٸلٸنەن اۋدارعاندا "جاڭا كٷن" دەگەن ماعىنانى بٸلدٸرەدٸ. بۇل مەرەكە قازاقستان اۋماعىندا عاسىرلار بويى تويلانىپ كەلگەنٸمەن, كەڭەستٸك كەزەڭدە وعان 62 جىل بويى تىيىم سالىندى. تەك 1988 جىلدان باستاپ ناۋرىز قايتا جاڭعىرىپ, تەۋەلسٸزدٸك العاننان كەيٸن رەسمي ۇلتتىق مەرەكەگە اينالدى.
بٷگٸندە ناۋرىز – تەك دەمالىس ەمەس, ۇلتتىق قۇندىلىقتاردى جاڭعىرتاتىن ماڭىزدى كٷن. سوڭعى جىلدارى مەرەكە 14–23 ناۋرىز ارالىعىنداعى ناۋرىزناما كەزەڭٸمەن اتالىپ ٶتۋدە. ەر كٷن بەلگٸلٸ بٸر قۇندىلىققا ارنالعان: كٶرٸسۋ, قايىرىمدىلىق, ۇلتتىق دەستٷر, شاڭىراق, ۇلتتىق كيٸم, جاڭارۋ, ۇلتتىق سپورت, ىنتىماق جەنە جىل باسى.
ناۋرىزدىڭ باستى دەستٷرلەرٸ – ناۋرىز كٶجە دايىنداۋ, ٷيدٸ تازالاۋ, قوناق كٷتۋ, ۇلتتىق ويىندار ٶتكٸزۋ جەنە ٷلكەندەردٸڭ باتاسىن الۋ. بۇل كٷنٸ ادامدار رەنٸشتەرٸن ۇمىتىپ, بٸر-بٸرٸمەن تاتۋلاسۋعا تىرىسادى.
قىسقاسى, ناۋرىز – جاي مەرەكە ەمەس. بۇل – قازاقتىڭ عاسىرلار بويى ساقتاپ كەلگەن جاڭا جىلى. ەگەر بٸز ونى تەك دەمالىس كٷندەرٸمەن شەكتەسەك, ونىڭ شىنايى مەنٸن ٶزٸمٸز جوعالتىپ الۋىمىز مٷمكٸن.
