Foto: e-history.kz
Naýryz – kóktemniń kelýin bildiretin eń kóne meiramdardyń biri. Bul kún shyǵys halyqtary úshin jańa jyldyń bastaýy sanalady. Qazaqstanda mereke jyl saiyn 21–23 naýryz aralyǵynda atap ótiledi. Dál osy ýaqytta kún men tún teńelip, tabiǵat jańarady, dep jazady Ult.kz.
Naýryzdyń tarihy myńdaǵan jyldarǵa sozylady. "Naýryz" sózi parsy tilinen aýdarǵanda "jańa kún" degen maǵynany bildiredi. Bul mereke Qazaqstan aýmaǵynda ǵasyrlar boiy toilanyp kelgenimen, keńestik kezeńde oǵan 62 jyl boiy tyiym salyndy. Tek 1988 jyldan bastap Naýryz qaita jańǵyryp, táýelsizdik alǵannan keiin resmi ulttyq merekege ainaldy.
Búginde Naýryz – tek demalys emes, ulttyq qundylyqtardy jańǵyrtatyn mańyzdy kún. Sońǵy jyldary mereke 14–23 naýryz aralyǵyndaǵy Naýryznama kezeńimen atalyp ótýde. Ár kún belgili bir qundylyqqa arnalǵan: kórisý, qaiyrymdylyq, ulttyq dástúr, shańyraq, ulttyq kiim, jańarý, ulttyq sport, yntymaq jáne jyl basy.
Naýryzdyń basty dástúrleri – Naýryz kóje daiyndaý, úidi tazalaý, qonaq kútý, ulttyq oiyndar ótkizý jáne úlkenderdiń batasyn alý. Bul kúni adamdar renishterin umytyp, bir-birimen tatýlasýǵa tyrysady.
Qysqasy, Naýryz – jai mereke emes. Bul – qazaqtyń ǵasyrlar boiy saqtap kelgen Jańa jyly. Eger biz ony tek demalys kúnderimen shektesek, onyń shynaiy mánin ózimiz joǵaltyp alýymyz múmkin.
