سانيتارلىق-ەپيدەميولوگييالىق باقىلاۋ كوميتەتٸ قازاقستاندىقتاردى ناۋرىز مەيرامىن ٷيدە تويلاۋعا ٷندەدٸ, دەپ حابارلايدى "ۇلت اقپارات".
«بٸز, سانيتارلىق-ەپيدەميولوگييالىق باقىلاۋ قىزمەتٸنٸڭ ماماندارى رەتٸندە الداعى مەرەكەلٸك دەمالىس كٷندەرٸن وتباسىلىق ورتادا عانا ٶتكٸزۋگە كەڭەس بەرەمٸز. بارىس-كەلٸستٸ ازايتىپ, بۇقارالىق شارالارعا بارماۋعا جەنە ۇيىمداستىرماۋعا, ادامدار كٶپ جينالعان ورىندارعا باس سۇقپاۋعا كەڭەس بەرەمٸز», - دەلٸنگەن حابارلامادا.
كوميتەت ٶكٸلدەرٸ ۇلىس كٷنٸنە ارنالعان كونتسەرتتەر مەن قويىلىمداردى, كٶرمەلەر مەن ايتىس سايىستارىن ونلاين فورماتتا ٶتكٸزگەن دۇرىس دەپ وتىر.
«قازاقستاننىڭ مەملەكەتتٸك باس سانيتار دەرٸگەرٸنٸڭ قاۋلىسى بويىنشا ٶكٸزۋگە رۇقسات ەتٸلگەن شارالار بارلىق سانيتارلىق-ەپيدەميولوگييالىق تالاپتاردى ساقتاي وتىرىپ, ادامداردىڭ شوعىرلانۋىنا جول بەرمەيتٸندەي ەتٸپ ۇيىمداستىرىلۋى كەرەك», - دەيدٸ ماماندار.
كوميتەت ماماندارى شارالاردى ٶتكٸزۋ مٷمكٸندٸگٸ جەرگٸلٸكتٸ ٶڭٸردٸڭ قاي ايماققا جاتقىزىلعانىنا بايلانىستى ەكەنٸن ەسكە سالادى. ياعني, «قىزىل ايماقتاعى» ٶڭٸرلەردە كەز كەلگەن شارا ٶتكٸزۋگە تىيىم سالىنعان. «سارى ايماقتاردا» شارا ٶتەتٸن ورىن 20%, «جاسىل ايماقتاردا» 30% عانا تولۋى كەرەك.
«كٷرەس, اۋدارىسپاق سيياقتى ادامداردى بٸر-بٸرٸمەن جاناستىراتىن سپورتتىق شارالار ٶتكٸزۋگە بولمايتىنىن ەسكە سالامىز. ۋلانۋدىڭ الدىن الۋ ٷشٸن قوعامدىق شارا ٶتكەن جەردە اس ەزٸرلەپ, ٸشۋگە دە تىيىم سالىنعان. قۇرمەتتٸ قازاقستاندىقتار! وسى بٸر شۋاقتى مەرەكەنٸ ەت جاقىندارىڭىزبەن بٸرگە ٷيدە ٶتكٸزٸپ, ٶزدەرٸڭٸزدٸ ساقتاڭىزدار» - دەيدٸ سانيتارلىق-ەپيدەميولوگييالىق باقىلاۋ قىزمەتٸ.
