فوتو: اشىق دەرەككٶز
قازاقستاندا ناۋرىز مەيرامى اياسىندا ونلاين جەنە وفلاين فورماتتى بٸرٸكتٸرەتٸن ارنايى فەستيۆال ۇيىمداستىرىلادى, دەپ حابارلايدى Ult.kz.
باستاما TikTok پلاتفورماسىنىڭ قاتىسۋىمەن, Kazakh Tourism ۇلتتىق كومپانيياسى جەنە جەرگٸلٸكتٸ ەكٸمدٸكتەردٸڭ قولداۋىمەن 20–31 ناۋرىز ارالىعىندا ٶتەدٸ. جوبا مەرەكەلٸك دەستٷرلەردٸ تسيفرلىق كەڭٸستٸكتە كەڭٸنەن ناسيحاتتاۋعا باعىتتالعان.
سوڭعى جىلدارى ناۋرىزدى اتاپ ٶتۋ ينتەرنەتتە دە بەلسەندٸ دامىپ كەلەدٸ. پايدالانۋشىلار ۇلتتىق تاعامدار, سالت-دەستٷرلەر مەن كٶكتەمگٸ جاڭارۋ تاقىرىبىندا مىڭداعان بەينەمازمۇن جارييالاپ جٷر.
فەستيۆال اياسىندا ەلٸمٸزدٸڭ ەر ٶڭٸرٸندەگٸ مەرەكەلٸك شارالاردان تٸكەلەي ەفيرلەر ۇيىمداستىرىلادى. مەسەلەن, 21 ناۋرىز كٷنٸ استانا قالاسىنداعى EXPO اۋماعىندا «ناۋرىز – بەرەكە باستاۋى» اتتى مەرەكەلٸك باعدارلاما ٶتەدٸ. وندا كونتسەرتتەر, ۇلتتىق سپورت ويىندارى, كيٸز ٷيلەر تٸگۋ جەنە ناۋرىز كٶجە ۇسىنىلادى.
سول كٷنٸ الماتى قالاسىندا «ۇلى دالانىڭ ۇلى كٷنٸ» اتتى مەرەكەلٸك كونتسەرت ۇيىمداستىرىلىپ, قازاقستاندىق ەسترادا جۇلدىزدارى ٶنەر كٶرسەتەدٸ.
سونىمەن قاتار, 20–31 ناۋرىز ارالىعىندا ونلاين فورماتتا مۋزىكالىق باعدارلامالار مەن شاعىن كونتسەرتتەر ٶتكٸزٸلٸپ, كٶرەرمەندەرگە مەرەكەلٸك اتموسفەرانى قاشىقتان تاماشالاۋعا مٷمكٸندٸك بەرٸلەدٸ.
ۇيىمداستىرۋشىلاردىڭ ايتۋىنشا, مۇنداي جوبالار ۇلتتىق مەدەنيەتتٸ زاماناۋي فورماتتا دەرٸپتەۋگە, ەسٸرەسە جاستار اراسىندا قىزىعۋشىلىقتى ارتتىرۋعا ىقپال ەتەدٸ.
