Foto: ashyq derekkóz
Qazaqstanda Naýryz meiramy aiasynda onlain jáne oflain formatty biriktiretin arnaiy festival uiymdastyrylady, dep habarlaidy Ult.kz.
Bastama TikTok platformasynyń qatysýymen, Kazakh Tourism ulttyq kompaniiasy jáne jergilikti ákimdikterdiń qoldaýymen 20–31 naýryz aralyǵynda ótedi. Joba merekelik dástúrlerdi tsifrlyq keńistikte keńinen nasihattaýǵa baǵyttalǵan.
Sońǵy jyldary Naýryzdy atap ótý internette de belsendi damyp keledi. Paidalanýshylar ulttyq taǵamdar, salt-dástúrler men kóktemgi jańarý taqyrybynda myńdaǵan beinemazmun jariialap júr.
Festival aiasynda elimizdiń ár óńirindegi merekelik sharalardan tikelei efirler uiymdastyrylady. Máselen, 21 naýryz kúni Astana qalasyndaǵy EXPO aýmaǵynda «Naýryz – bereke bastaýy» atty merekelik baǵdarlama ótedi. Onda kontsertter, ulttyq sport oiyndary, kiiz úiler tigý jáne naýryz kóje usynylady.
Sol kúni Almaty qalasynda «Uly dalanyń uly kúni» atty merekelik kontsert uiymdastyrylyp, qazaqstandyq estrada juldyzdary óner kórsetedi.
Sonymen qatar, 20–31 naýryz aralyǵynda onlain formatta mýzykalyq baǵdarlamalar men shaǵyn kontsertter ótkizilip, kórermenderge merekelik atmosferany qashyqtan tamashalaýǵa múmkindik beriledi.
Uiymdastyrýshylardyń aitýynsha, mundai jobalar ulttyq mádenietti zamanaýi formatta dáripteýge, ásirese jastar arasynda qyzyǵýshylyqty arttyrýǵa yqpal etedi.
