18 ناۋرىزدان بەرٸ ەلٸمٸزگە رەسەيدەن 3 مىڭنان استام قازاقستاندىق كەلگەن. بۇل تۋرالى قر باس مەملەكەتتٸك سانيتار دەرٸگەرٸ ايجان ەسماعامبەتوۆا قر دەنساۋلىق ساقتاۋ مينيسترلٸگٸنٸڭ مەديا ورتالىعىندا ٶتكەن تٸكەلەي ەفيردە ايتتى, دەپ حابارلايدى قازاقپارات.
«قر سىرتقى ٸستەر مينيسترلٸگٸنٸڭ مەلٸمەتٸنشە, 18 ناۋرىزدان بەرٸ ەلٸمٸزگە رەسەيدەن 3 مىڭنان استام قازاقستاندىق كەلگەن. بۇل - ستۋدەنتتەر, ۆاحتالىق ەدٸسپەن جۇمىس ٸستەگەن ادامدار», - دەيدٸ قر باس مەملەكەتتٸك سانيتار دەرٸگەرٸ ايجان ەسماعامبەتوۆا.
ول كوروناۆيرۋس انىقتالماعان اۋدانداردا نە سەبەپتٸ كارانتين تالاپتارى ساقتالاتىنىن ايتىپ ٶتتٸ.
«كوروناۆيرۋس جاعدايى تٸركەلمەگەن ٶڭٸر جوق. كٷن سايىن جاعدايعا مونيتورينگ جٷرگٸزٸپ وتىرامىز. سوندىقتان ەپيدەميولوگييالىق جاعدايعا بايلانىستى بارلىق ٶڭٸردە كارانتين شارالارى ساقتالۋى كەرەك. اۋلادا بولسىن توي ٶتكٸزگٸسٸ كەلەتٸندەردٸ تٷسٸنەمٸز, بٸراق ٶزگەگە اۋرۋ جۇقتىرىپ الماۋ جاعىن ويلاۋىمىز كەرەك. سوندىقتان بۇل ساقتىق شارالارىنا تٷسٸنٸستٸكپەن قاراۋعا شاقىرامىز. قىتاي, وڭتٷستٸك كورەيا سيياقتى مەملەكەتتەر كوروناۆيرۋستى جەڭدٸ دەپ ويلاماڭىزدار, ولار ەلٸ دە بۇل دەرتپەن كٷرەسۋدە», - دەيدٸ ول.
