18 naýryzdan beri elimizge Reseiden 3 myńnan astam qazaqstandyq kelgen. Bul týraly QR bas memlekettik sanitar dárigeri Aijan Esmaǵambetova QR Densaýlyq saqtaý ministrliginiń media ortalyǵynda ótken tikelei efirde aitty, dep habarlaidy QazAqparat.
«QR Syrtqy ister ministrliginiń málimetinshe, 18 naýryzdan beri elimizge Reseiden 3 myńnan astam qazaqstandyq kelgen. Bul - stýdentter, vahtalyq ádispen jumys istegen adamdar», - deidi QR Bas memlekettik sanitar dárigeri Aijan Esmaǵambetova.
Ol koronavirýs anyqtalmaǵan aýdandarda ne sebepti karantin talaptary saqtalatynyn aityp ótti.
«Koronavirýs jaǵdaiy tirkelmegen óńir joq. Kún saiyn jaǵdaiǵa monitoring júrgizip otyramyz. Sondyqtan epidemiologiialyq jaǵdaiǵa bailanysty barlyq óńirde karantin sharalary saqtalýy kerek. Aýlada bolsyn toi ótkizgisi keletinderdi túsinemiz, biraq ózgege aýrý juqtyryp almaý jaǵyn oilaýymyz kerek. Sondyqtan bul saqtyq sharalaryna túsinistikpen qaraýǵa shaqyramyz. Qytai, Ońtústik Koreia siiaqty memleketter koronavirýsty jeńdi dep oilamańyzdar, olar áli de bul dertpen kúresýde», - deidi ol.
