قىزىلوردا وبلىسىندا حيرۋرگييالىق وتا كەزٸندە ناۋقاستىڭ دەنەسٸندە دەكە تامپونى قالىپ قويعان. سوت مەديتسينالىق مەكەمەنٸ ناۋقاسقا 1,5 ملن تەڭگەدەن استام ٶتەماقى تٶلەۋگە مٸندەتتەدٸ, دەپ حابارلايدى ult.kz.
سوت ماتەريالدارىنا سەيكەس, ەيەلگە كيستانى الىپ تاستاۋ بويىنشا وتا جاسالعان. الايدا ەكٸ ايدان كەيٸن ناۋقاس باسقا مەديتسينالىق مەكەمەگە قايتا جٷگٸنٸپ, سول جەردە ەكٸنشٸ رەت وتا جاسالعان. وپەراتسييا بارىسىندا العاشقى حيرۋرگييالىق ارالاسۋ كەزٸندە قالىپ قويعان دەكە تامپونى انىقتالىپ, الىنعان.
مەديتسينالىق قاتەلٸكتەن كەيٸن ناۋقاس ۇزاق ۋاقىت بويى اۋىرسىنۋدان زارداپ شەگٸپ, جاراسى قابىنىپ, كٷندەلٸكتٸ تاڭۋ پروتسەدۋرالارىنان ٶتۋگە مەجبٷر بولعان. سونداي-اق قايتا وتاعا ٶز قاراجاتىن جۇمساعان.
بٶگدە زاتتىڭ ناۋقاستىڭ دەنەسٸندە قالعانى وتا حاتتاماسى, مەديتسينالىق قۇجاتتار, بەينەجازبا جەنە قايتا ەمدەۋ جٷرگٸزٸلگەن مەديتسينالىق مەكەمە ٶكٸلٸنٸڭ تٷسٸنٸكتەمەسٸ ارقىلى راستالعان.
سونىمەن قاتار جوسپاردان تىس تەكسەرۋ كەزٸندە ۋەكٸلەتتٸ ورگان مەديتسينالىق كٶمەك كٶرسەتۋ بارىسىندا بٸرقاتار زاڭبۇزۋشىلىقتى انىقتاعان. اتاپ ايتقاندا, وپەراتسييا كەزٸندە مٸندەتتٸ ستاندارتتار ساقتالماعان, وتادان كەيٸنگٸ باقىلاۋ تيٸستٸ دەڭگەيدە جٷرگٸزٸلمەگەن جەنە مەديتسينالىق قۇجاتتار تالاپقا ساي تولتىرىلماعان.
سوت ۇسىنىلعان دەلەلدەردٸ زەردەلەي كەلە, مەديتسينالىق مەكەمەنٸڭ كٸنەسٸ دەلەلدەندٸ دەگەن قورىتىندىعا كەلگەن.
نەتيجەسٸندە تالاپ ارىز قاناعاتتاندىرىلىپ, مەديتسينالىق مەكەمەدەن ناۋقاستىڭ پايداسىنا ماتەريالدىق شىعىن مەن مورالدىق زيياندى ٶتەۋ ٷشٸن 1,5 ملن تەڭگەدەن استام قاراجات ٶندٸرٸلدٸ.
