الماتىدا اپەللياتسييالىق سوت پلاستيكالىق حيرۋرگ دميتريي پيسارەۆكە شىعارىلعان سوت ٷكٸمٸن ٶزگەرٸسسٸز قالدىردى, دەپ حابارلايدى قازاقپارات تٸلشٸسٸ.
حيرۋرگتىڭ وتا ٷستەلٸندە بىلتىر ەكٸ ەيەل كٶز جۇمعان بولاتىن. دەرٸگەر 3 ملن تەڭگە بولاتىن مورالدىق شىعىن كٶلەمٸن 500 مىڭعا دەيٸن تٶمەندەتۋ تۋرالى اپەللياتسييالىق شاعىم تٷسٸرگەن ەدٸ. ول اقشاسىنىڭ جوقتىعىنا بايلانىستى بۇل قاراجاتتى جيناپ بەرە المايتىنىن ايتتى.
سونىمەن قاتار, ول سوت ٷكٸمٸن قايتا قاراپ, ٶزٸن اقتاۋدى سۇرادى.
«وسى ٸسكە قاتىسىم بار ەكەنٸن سەزٸنۋ ماعان ٶتە قيىن. سوت ٷكٸمٸ شىقتى. مەن ەندٸ وتباسىمدى اسىراي المايمىن. مەن دەرٸگەرمٸن, باسقا ەشقانداي جۇمىسپەن اينالىسا المايمىن. سوت شەشٸمٸن قايتا قاراپ, مەنٸ اقتاۋىڭىزدى ٶتٸنەم», - دەدٸ حيرۋرگ دميتريي پيسارەۆ.
شاعىمدى قاراعان اپەللياتسييالىق كوللەگييا الماتى اۋداندىق سوتىنىڭ 29 جەلتوقسانداعى ٷكٸمٸن ٶزگەرٸسسٸز قالدىردى.
«بٸز سٸزدٸڭ ايىبىڭىز تولىق دەلەلدەندٸ دەپ سانايمىز. سٸزدٸ اقتاپ الۋعا ەشقانداي نەگٸز جوق», - دەدٸ كوللەگييا مٷشەلەرٸ.
ەستەرٸڭٸزگە سالا كەتەيٸك, ۋكراينا ازاماتشاسى دانا اگامۇرادوۆا الماتىدا ٸش مايىن العىزۋ ٷشٸن جەكەمەنشٸك ەمحانالاردىڭ بٸرٸندە وتا جاساتقان. وتادان سوڭ 6 ساعات ٶتكەندە دانا ەسٸن جيماستان كٶز جۇمدى. دەرٸگەرلەردٸڭ ايتۋىنشا, پاتسيەنت ماي تٷيٸرشٸكتەرٸنٸڭ ٶكپە تامىرلارىن بٸتەپ قالۋىنان قايتىس بولدى. وعان وتانى پلاستيكالىق حيرۋرگ دميتريي پيسارەۆ جاساعان بولاتىن. دەل وسى حيرۋرگتىڭ قولىنان بىلتىر قاراشادا تاعى بٸر ەيەل ٶمٸردەن وزدى. 30 جاستاعى لاۋرا ٸزباساروۆا پلاستيكالىق وتا جاساتىپ, ومىراۋىن تارتتىرماق بولعان. بۇل قىلمىستىق وقيعانى دا پوليتسييا تەكسەرۋگە الدى.
الماتى قالالىق قوعامدىق دەنساۋلىق ساقتاۋ دەپارتامەنتٸ پلاستيكالىق حيرۋرگ دميتريي پيسارەۆتٸڭ كلينيكالىق ەم جاساۋىنا سوت ارقىلى تىيىم سالدى.
كٶپ ۇزاماي الماتىدا تاعى بٸر ەيەلدٸڭ پلاستيكالىق وتادان قايتىس بولعانى بەلگٸلٸ بولدى. 44 جاستاعى ەيەلگە وتانى «Moskva deLux» ەمحاناسىنىڭ حيرۋرگى رومان الفەروۆ جاساعان.
