ناتو باس حاتشىسى يەنس ستولتەنبەرگ رەسەيدٸڭ ۋكراينا شىعىسىنداعى "لۋگانسك حالىق رەسپۋبليكاسى" جەنە "دونەتسك حالىق رەسپۋبليكاسىنىڭ" تەۋەلسٸزدٸگٸن مويىنداۋ تۋرالى شەشٸمٸن ايىپتادى, دەپ حابارلايدى ازاتتىق.
21 اقپان كٷنگٸ مەلٸمدەمەسٸندە ستولتەنبەرگ پرەزيدەنت ۆلاديمير پۋتيننٸڭ شەشٸمٸ "ۋكراينانىڭ تەۋەلسٸزدٸگٸ مەن تەرريتورييالىق تۇتاستىعىنا نۇقسان كەلتٸرٸپ, قاقتىعىستى شەشۋگە جۇمسالعان بار كٷش-جٸگەردٸ زايا ەتەدٸ جەنە [اتىستى توقتاتۋ تۋرالى - ەسكەرتۋ] مينسك كەلٸسٸمٸنٸڭ شارتتارىن بۇزادى" دەدٸ.
ناتو, اقش پەن باتىس جەتەكشٸلەرٸ رەسەيدٸ "ناتو-عا قوسىلعىسى كەلگەن ۋكراينانى باسىپ الۋعا تىرىستى" دەپ ايىپتاعان. ۋكراينامەن شەكاراسىنا 150 مىڭ ەسكەرٸن ورنالاستىرعان مەسكەۋ شابۋىل جوسپارىن جوققا شىعارىپ, ناتو مەن باتىستى ايماقتا جاعدايدى تۇراقسىزداندىردى دەپ كٸنەلاعان.
جۋىردا مەسكەۋ ناتو-نىڭ ۋكراينانى سولتٷستٸكاتلانتيكالىق وداققا مٷشە رەتٸندە قابىلدامايتىنى تۋرالى ۋەدەسٸن الۋعا تىرىسقان جەنە شىعىس ەۋروپادان قارۋ-جاراعى مەن ينفراقۇرىلىمىن الىپ كەتۋ تۋرالى دا تالاپ قويعان.
21 اقپاندا ۋكرايناداعى سەپاراتيستٸك ايماقتاردىڭ "تەۋەلسٸزدٸگٸن" مويىنداۋ تۋرالى شەشٸمٸن جارييالاعان پۋتين ناتو مەسكەۋدٸڭ قاۋٸپسٸزدٸك تالاپتارىن "تۇتاس ەسكەرۋسٸز قالدىردى" دەپ مەلٸمدەدٸ.
"مەسكەۋ سەپاراتيستەردٸ قارجىلىق جەنە ەسكەري تۇرعىدا قولداپ, ۋكراينا شىعىسىنداعى قاقتىعىستى ۋشىقتىرۋىن تىيمادى. ول سونىمەن بٸرگە ۋكراينانى قايتا باسىپ الۋ ٷشٸن سىلتاۋ ٸزدەپ وتىر" دەدٸ ستولتەنبەرگ.
