31 جاستاعى استانالىق جەكە كەسٸپكەر باۋىرجان سامەن ۇشاق اپاتىنان قالاي امان قالعانىن ايتىپ بەردٸ, دەپ حابارلايدى Sputnik قازاقستان.
باۋىرجان سامەن – نۇر-سۇلتان قالاسىنىڭ تۇرعىنى. ول كٶلٸك تۇراعىن جەنە كٶلٸكتٸ جالعا بەرۋ سالاسىندا جۇمىس ٸستەيدٸ. جەكە كەسٸپكەر ەكٸ ەرٸپتەسٸمەن بٸرگە سەيسەنبٸ كٷنٸ الماتىعا جۇمىس ساپارىمەن كەلگەن. ال بٷگٸن "الماتى - نۇر-سۇلتان" باعىتىنداعى Bek Air ۇشاعىمەن ەلورداعا كەرٸ قايتۋى قاجەت بولعان.
"الماتىداعى جۇمىستارىم بٸتكەن جوق. بٷگٸن بيلەتتٸ ايىرباستايمىن دەگەن وي بولعان. Bek Air كومپانيياسىنا حابارلاستىم. ولار ۇشاققا وتىرماعان جاعدايدا بيلەتٸمنٸڭ قايتارىلمايتىنىن, ونىڭ جارامسىز بولىپ قالاتىنىن ايتتى. جاڭا جىل قارساڭىندا بيلەتتٸڭ ارزان ەمەس ەكەنٸ بەلگٸلٸ. سوعان قاراماستان شارۋالارىمدى بٸتٸرٸپ الايىن دەگەن شەشٸمگە كەلدٸم. وسىلايشا, ۇشاققا وتىرۋ تۋرالى ويىمنان باس تارتتىم", - دەيدٸ باۋىرجان سامەن.
ول ەكٸ ەرٸپتەسٸنٸڭ دە وسىنداي شەشٸم قابىلداپ, ۇشاققا وتىرماعانىن ايتتى.
الماتى ماڭىنداعى ۇشاق اپاتى بٷگٸن تاڭعى ساعات 07:22-دە بولدى. وسى ۋاقىتتا باۋىرجان تاڭعى نامازىن وقىپ جاتىپتى. ول قايعىلى جاعدايدى جاڭالىقتاردان ەستٸپ, ابدىراپ قالعان.
"بۇل ۇشاققا مەن دە وتىرۋىم قاجەت بولعان. بٸزدٸڭ تٸكۇشاق, بٸزدٸڭ رەيس, بٸزدٸڭ ۋاقىت, ونى مەن تەكسەردٸم. جاڭالىقتى ٶتە اۋىر قابىلدادىم, كٶڭٸل-كٷيٸم تولقىپ كەتتٸ. اللا ساقتادى, وعان كٷمەنٸم جوق. قازا تاپقان ادامداردىڭ ٸشٸندە مەن دە بولۋىم مٷمكٸن ەدٸ. مەنٸ قويشى, اتا-انام, تۋعان-تۋىستارىم قايعىرادى عوي. بۇل جاڭالىق ولارعا اۋىر تيەرٸ انىق. دوستارىم مەنٸ اللانىڭ قولداعانىن, ونىڭ ماعان جوسپارى بار ەكەنٸن, ەكٸنشٸ تۋعان كٷنٸمنٸڭ پايدا بولعانىن ايتتى, - دەيدٸ جەكە كەسٸپكەر اعىنان جارىلىپ.
ايتۋىنشا, ۇشاق اپاتى تۋرالى جاڭالىقتى ەستٸپ, اناسىنىڭ جٷرەگٸ اۋىرعان.
"كەيٸن كٸشٸگٸرٸم قۇران وقىتىپ, ساداقا بەردٸم. اپاتتان قازا تاپقانداردىڭ وتباسىنىڭ قايعىسىنا ورتاقپىن. ولارعا قۇداي كٷش-قۋات بەرسٸن. بارلىعى جاقسى بولسىن دەپ تٸلەيٸك", - دەدٸ ول.
سٶز سوڭىندا كەسٸپكەر بٷگٸن تٷندە نۇر-سۇلتانعا ۇشاقپەن ۇشىپ كەلەتٸنٸن تٸلگە تيەك ەتتٸ. ول "بٷگٸنگٸ جاعدايدان سوڭ, ۇشاققا وتىرۋعا قورىقپايسىز با?" دەگەن سۇراققا قىسقا جاۋاپ قايىردى:
"باسقا امالىم جوق. ەلوردادا جۇمىستارىم بار".
الماتىداعى ۇشاق اپاتى
قايعىلى وقيعا بٷگٸن تاڭەرتەڭ بولدى. Bek Air ەۋە كومپانيياسىنىڭ "الماتى – نۇر-سۇلتان" باعىتىنداعى Fokker 100 ۇشاعى تالعار اۋدانىندا قۇلادى.
سوڭعى مەلٸمەتتەرگە سەيكەس, اپات 15 ادامنىڭ ٶمٸرٸن قيدى. ۇشاقتا 93 جولاۋشى مەن 5 ەكيپاج مٷشەسٸ بولعان.
پرەزيدەنتٸڭ تاپسىرماسىمەن پرەمەر-مينيستر جەتەكشٸلٸك ەتەتٸن كوميسسييا قۇرىلدى. قاۋٸپسٸزدٸك ەرەجەلەرٸن بۇزۋ بابى بويىنشا سوتقا دەيٸنگٸ تەرگەۋ باستالدى.
