بٷگٸن ەلەۋمەتتٸك جەلٸ ارقىلى حالىقپەن ونلاين كەزدەسكەن الماتى وبلىسى پوليتسييا دەپارتامەنتٸنٸڭ باستىعى, پوليتسييا گەنەرال-مايورى سەرٸك كٷدەباەۆقا قىزمەت بارىسىندا قازا تاپقان پوليتسييا پولكوۆنيگٸ ايدىن اسقارباەۆتىڭ اناسى قوڭىراۋ شالدى, دەپ حابارلايدى قازاقپارات.
الماتى وبلىستىق پوليتسييا دەپارتامەنتٸ باسپاسٶز قىزمەتٸنٸڭ مەلٸمەتٸنشە, بٸر قىلمىستىق ٸستٸڭ تەرگەلۋٸنە قاتىستى حابارلاسقان قارت اناعا كٶڭٸل ايتقان باس پوليتسەي «ٶز ٸسٸنٸڭ كەسٸبي شەبەرٸ, ناعىز پاتريوت» بالا تەربيەلەگەنٸ ٷشٸن العىسىن جەتكٸزدٸ.
«پوليتسييا پولكوۆنيگٸ ايدىن اسقارباەۆ بٸلٸكتٸ مامان بولاتىن. ەرتٷرلٸ بٶلٸمشەلەردە باسشىلىق قىزمەتتە بولعان ول ٷزدٸك نەتيجەلەرگە قول جەتكٸزۋشٸ ەدٸ. ٶكٸنٸشكە قاراي, قىزمەت بابىندا كٶلٸك اپاتىنان قايتىس بولدى. بٸز ونى ۇمىتپايمىز, قۇرمەت تۇتامىز!»,- دەدٸ الماتى وبلىسى پوليتسييا دەپارتامەنتٸنٸڭ باستىعى, پوليتسييا گەنەرال-مايورى سەرٸك كٷدەباەۆ.
ەستەرٸڭٸزگە سالا كەتەيٸك, الاكٶل اۋدانى پوليتسييا بٶلٸمٸنٸڭ باستىعى ايدىن اسقارباەۆ 2016 جىلى كٶلٸك اپاتىنان قايتىس بولعان.
ونىڭ جارقىن بەينەسٸن ەستەن شىعارماعان ەرٸپتەستەرٸ ونىڭ جولداسى ٷمٸتكە بيىل «وفيتسەر جۇبايى» مەدالٸن تاققان.
قىزمەتٸن اتقارۋ كەزٸندە قايتىس بولعان پوليتسەيلەردٸڭ وتباسىنا پوليتسييا دەپارتامەنتٸنٸڭ تاراپىنان ٷنەمٸ كٶڭٸل بٶلٸنەتٸنٸن اتاپ ٶتۋ قاجەت.
تٸكەلەي ەفيردە تٸلدەسكەن سوڭ پوليتسييا باسشىسى كەيۋانانىڭ مەسەلەسٸن ٶز باقىلاۋىنا الاتىنىن ايتىپ, قولاستىنداعىلارعا تاپسىرما بەردٸ.
