پرەزيدەنتتٸڭ «رۋحاني جاڭعىرۋ» باعدارلاماسىن جەنە «ۇلى دالانىڭ جەتٸ قىرى» ماقالاسىن جٷزەگە اسىرۋ اياسىندا مىسىر اراب رەسپۋبليكاسىنداعى قر ەلشٸلٸگٸنٸڭ قولداۋىمەن ەل-فارابي اتىنداعى قازاق ۇلتتىق ۋنيۆەرسيتەتٸ كاير ۋنيۆەرسيتەتٸندە ەل-فارابي عىلىمي-بٸلٸم ورتالىعىن اشتى.
ورتالىقتىڭ اشىلۋى بارىسىندا «ەل-فارابيدٸڭ فيلوسوفييالىق مۇراسى» حالىقارالىق عىلىمي سەمينارى ۇيىمداستىرىلدى. فارابيتانۋشى عالىمدار, كاير ۋنيۆەرسيتەتٸنٸڭ فيلوسوفتارى, قازۇۋ رەكتورى, اكادەميك عالىم مۇتانوۆ, مىسىرداعى قر ەلشٸسٸ ارمان يساعاليەۆ شىعىستىڭ ۇلى ويشىل مۇرالارى جەنە ٶسكەلەڭ ۇرپاقتىڭ رۋحاني-ٶنەگەلٸك تەربيەسٸندەگٸ ونىڭ يدەياسىنىڭ ٶزەكتٸلٸگٸ جايلى باياندامالار جاسادى.
قازاقستاندىق جەتەكشٸ جوعارى وقۋ ورنىنىڭ رەكتورى ەل-فارابيدٸڭ ٸزگٸلٸكتٸ قوعام يدەياسىنا نەگٸزدەلگەن «ٸزگٸلٸكتٸ قوعام ازاماتىن قالىپتاستىرۋ. زاماناۋي ۋنيۆەرسيتەتتەر ميسسيياسى» حالىقارالىق جوباسىنىڭ بۇۇ ٶركەنيەتتەر اليانسىمەن بٸرلەسە جٷزەگە اسۋى جايلى ايتتى. ول كاير ۋنيۆەرسيتەتٸندەگٸ ەل-فارابي ورتالىعى تەك ەل-فارابي, بەيبارىس سۇلتان مۇرالارىن عانا ەمەس, دوستاس مەملەكەتتەر اراسىنداعى ورتاق تاريحي جەنە مەدەني قۇندىلىقتاردى وقىتىپ, ناسيحاتتايتىن جاقسى پلاتفورما قىزمەتٸن اتقاراتىنىنا سەنٸم بٸلدٸردٸ. مىسىرداعى قازاقستان ەلشٸلٸگٸنٸڭ باستاماسىمەن وسى جىلدان باستاپ ەل-فارابي ورتالىعى بازاسىندا بٸرٸنشٸ رەت كاير ۋنيۆەرسيتەتٸندە قازاق تٸلٸن وقىتۋ پەنٸ ەنگٸزٸلەدٸ.
ساپار اياسىندا قازاقستاندىق دەلەگاتسييا مەن باس يمام ەل-ازحار شەيح احماد ات-تايەب, جوعارى بٸلٸم جەنە عىلىمي زەرتتەۋلەر مينيسترٸ حالەد ابدەل-گاففار, ەار پارلامەنتٸ بٸلٸم بەرۋ جەنە عىلىمي زەرتتەۋلەر ٸستەرٸ بويىنشا كوميتەت تٶراعاسى سامي حاشيم, كاير ۋنيۆەرسيتەتٸنٸڭ رەكتورى موحاممەد وسمان ەل-حوشت جەنە «گومحۋرييا» گازەتٸنٸڭ باس رەداكتورى ابدەل-رازەك تاۋفيك ارالارىندا قۇرىلىمدىق ديالوگ ٶربٸدٸ.
كەزدەسۋ بارىسىندا بٸرلەسە ماماندار دايارلاۋدا ٶزارا ەرٸپتەستٸكتٸ نىعايتۋ, اكادەمييالىق الماسۋ باعدارلاماسىن, ماگيسترانتتار مەن دوكتورانتتاردىڭ عىلىمي تاعىلىمدامالارىن جٷزەگە اسىرۋ, وقىتۋشىلار بٸلٸكتٸلٸگٸن ارتتىرۋ, عىلىمي-بٸلٸم بەرۋ باعدارلامالارىن جاساۋ, فارابيتانۋ كۋرستارىن ەنگٸزۋ سۇراقتارى قاراستىرىلدى. مىسىردان قازۇۋ فيليالىن اشۋ جايلى كەلٸسٸم ٸس-ساپاردىڭ ماڭىزدى سەتٸنە اينالدى. تاراپتار 2020 جىلى ۇلى ويشىل ەل-فارابيدٸڭ 1150 جىلدىعىن ٶتكٸزۋگە جەنە دايىندىق جٷرگٸزۋدە بٸرلەسكەن جۇمىستار جاساۋعا دايىن ەكەندٸكتەرٸن جەتكٸزدٸ.
قازۇۋ دەلەگاتسيياسى قۇرامىنداعى تانىمال كينورەجيسسەر س. ەزٸموۆتٸڭ تٷسٸرۋ توبى قازٸرگٸ ۋاقىتتا تٷسٸرٸلٸپ جاتقان ەل-فارابي جەنە بەيبارىس سۇلتان تۋرالى كٶركەم فيلمدەرگە قاجەتتٸ ۆيدەوماتەريالدار جيناۋ ٷشٸن مىسىرداعى تاريحي-مەدەني نىسانداردى (بەيبارىس سۇلتان مەشٸتٸ مەن كٸتاپحاناسى جەنە ت.ب.) ارالادى.
