«قازمۇنايگاز» ۇك اق باسقارما تٶراعاسى ماعزۇم مىرزاعاليەۆ پرەزيدەنت قاسىم-جومارت توقاەۆقا جاڭاٶزەندەگٸ احۋالعا قاتىستى باياندادى, دەپ حابارلايدى قازاقپارات.
«مەن قازٸر مەملەكەت باسشىسىنا جاڭاٶزەندەگٸ احۋالعا قاتىستى دا باياندادىم. بٸز ەكٸ اپتا بۇرىن اقتاۋ قالاسىندا «قازمۇنايگازدىڭ» ٶكٸلدٸگٸن ارنايى اشقان ەدٸك. بۇل كەڭسەنٸڭ نەگٸزٸ باعىتى مەن ماقساتى - حالىقپەن جۇمىس ٸستەۋ, حالىقتىڭ, سونىمەن قاتار كەسٸپورىنداردىڭ ساۋالدارىن قاراستىرۋ, ٶندٸرٸستٸك كٶرسەتكٸشتەردٸ كٷشەيتۋ. ٶكٸنٸشكە وراي, جىل باسىنان بەرٸ ٶزەن كەن ورنىنداعى مۇناي ٶندٸرۋ كٶلەمٸ جوسپارلى كٶرسەتكٸشتەردەن كەم بولىپ وتىر. ياعني, بٸزدٸڭ كٷن سايىن ٶندٸرۋ كٶلەمٸمٸز 1 000-1 200 تونناعا تٶمەن. سوندىقتان وسى باعىتتا جۇمىستى كٷشەيتە باستادىق», - دەدٸ ماعزۇم مىرزاعاليەۆ پرەزيدەنت قابىلداۋىنان كەيٸن.
سونىمەن قاتار ول مەملەكەت باسشىسىنا مۇناي-گاز حيميياسى كەشەنٸن دامىتۋ جايىندا جەتكٸزگەنٸن ايتتى.
«تامىزدىڭ 20-سىنا قاراي اتىراۋ قالاسىنداعى ٸرٸ پوليپروپيلەن شىعاراتىن زاۋىت اشىلادى. قازٸرگٸ ۋاقىتتا سوڭعى جۇمىستارى جٷرگٸزٸلۋدە. بۇل زاۋىت اشىلعاننان كەيٸن 500-دەن استام جاڭا جۇمىس ورنى قۇرىلادى. بۇل وسى ٶڭٸردەگٸ ەڭ ٸرٸ زاۋىتتاردىڭ بٸرٸ سانالادى. ونىڭ ٶندٸرٸستٸك قۋاتى جىلىنا 500 توننا پروپيلەندٸ قۇرايدى», - دەدٸ ول.
ماعزۇم مىرزاعاليەۆتٸڭ اتاپ ٶتۋٸنشە, «قازمۇنايگاز» قازٸرگٸ ۋاقىتتا ەكٸ جوبامەن اينالىسىپ جاتىر.
«بٸرٸنشٸسٸ - پوليەتيلەن شىعاراتىن زاۋىت. بۇل زاۋىتتىڭ جىلدىق قۋاتى 1 ملن 250 مىڭ توننا پوليەتيلەندٸ قۇرايدى. ول دا اتىراۋ قالاسىندا ورنالاسقان. ەكٸنشٸ جوبا - بۋتاديەن شىعاراتىy زاۋىت. بۇل جوبا دا كومپانييانىڭ ستراتەگييالىق سەرٸكتەستەرٸمەن پىسىقتالىپ جاتىر», - دەدٸ كومپانييا باسشىسى.
