مىرزاعالي ايتجانوۆ: شيرەك فينالدا بٸرجان ٶتە ناشار بوكستاستى

- ريو-دە-جانەيروداعى حححٸ جازعى وليمپيادانىڭ بوكستىڭ شيرەك فينالدىق كەزەڭٸندە قازاقستاندىق بوكسشى بٸرجان جاقىپوۆ ٶتە ناشار بوكستاستى. بۇل تۋرالى بوكستان قازاقستان ۇلتتىق قۇراماسىنىڭ باس باپكەرٸ مىرزاعالي ايتجانوۆ جارىستان كەيٸن, ريوداعى قازاقپارات تٸلشٸسٸنە بەرگەن سۇحباتىندا مەلٸم ەتتٸ.

- مىرزاعالي قۇلانۇلى, بٷگٸن بٸر شەكٸرتٸڭٸز جەڭٸلٸپ, بٸر بوكسشىڭىز جارتىلاي فينالعا ٶتتٸ. وسى جايىندا قىسقاشا توقتالىپ ٶتسەڭٸز...

- بٷگٸنگٸ جەكپە-جەكتە بٸرجان ٶتە ناشار بوكستاستى. مەن ولاي بولادى دەپ ويلاعان جوقپىن. سەبەبٸ, بٸرجاننىڭ تەجٸريبەسٸ جاعىنان بولسا دا, فيزيكالىق قۋاتتىلىعى جاعىنان بولسا دا, قارسىلاسىن ۇتاتىن مٷمكٸندٸگٸ بولىپ ەدٸ. بٸراق, بوكستا وسىنداي جاعدايلار كٶپ كەزدەسەدٸ.

- مٷمكٸندٸگٸ بولا تۇرا قالاي جەڭٸلٸپ قالدى?

- بٸرجاندى ٶزدەرٸڭٸز بٸلەسٸزدەر, ٷشٸنشٸ وليمپياداسىنا قاتىسىپ وتىر. بيىل قالاي دا مەدال الام دەگەن ٷمٸتٸ بولدى. ٶكٸنٸشكە قاراي, مەدالدىڭ سىڭعىرى جاقىنداعان سەتتە ٶزٸن-ٶزٸ كٷيدٸرٸپ الدى. ٶز-ٶزٸن باسقارا المادى, ٶز-ٶزٸن ۇستاي المادى.

- وعان جارىسقا شىعار الدىندا قانداي تاپسىرما بەردٸڭٸز?

- بٸرجانعا كەشە جاتتىعۋ كەزٸندە دە, بٷگٸن جارىسقا شىعار الدىندا دا قالاي جۇمىس جاساۋ كەرەك ەكەندٸگٸن جاقسىلاپ تۇرىپ ايتتىم. ٶكٸنٸشكە قاراي, بويى كٸپ-كٸشكەنتاي بوكسشىعا اياقتان تۇرىپ بەرە المادى. قازاقشا ايتقاندا, اۋزى اڭقيىپ, ٶزٸن-ٶزٸ جوعالتىپ الدى. بۇل ورنى تولماس ٶكٸنٸشتٸ جاعداي. سونشا جىل دايىندالدى. بٸر ەمەس, ٷش وليمپياداعا قاتىسىپ وتىرىپ, شيرەك فينالدا جەڭٸلٸپ قالۋ مەڭگٸ ٶكٸنٸش بولىپ قالادى-اۋ.

- بۇل جەڭٸلٸستٸڭ ەندٸ ورنىن تولتىرۋ مٷمكٸن بە?

-  بٸرجان ٷشٸن مٷمكٸن ەمەس. بۇل "بۇيىرماعان" دەگەن سٶز. كەيبٸر باقىت قانشا قۋساڭ دا جەتكٸزبەيدٸ. ٷش وليمپياداعا قاتىسىپ وتىرىپ بٸر مەدالعا قول جەتكٸزە الماۋ سپورتشىعا ٶتە اۋىر جاعداي. جالپى,  وليمپيادا مەدالٸ كەز-كەلگەن سپورتشىعا بۇيىرا بەرمەيدٸ. مەن بۇنى تەك بٸرجان ۇتىلعاننان كەيٸن ايتىپ وتىرعانىم جوق. بۇل سپورت تاريحىندا, بوكس تاريحىندا بار نەرسە.

- بٸرجاننىڭ جەڭٸلٸسٸ سٸزگە دە اۋىر تيگەن بولار?

- مەن ٶز مٸندەتٸمدٸ ورىندادىم. قۇراماداعى 10 بوكسشىنى بٸرٸنەن بٸرٸن ارتىق, نە كەم كٶرگەن جەرٸم بولعان جوق. بارلىعىن بٸردەي بٸر ۋاقىتتا, بٸر جەردە جاتتىقتىردىم. ەشكٸمنٸڭ ماعان ٶكپەسٸ جوق دەپ ويلايمىن. بٸراق, "بٸرجان جەڭٸلدٸ" دەپ باسىمىزدى سالبىراتپايمىز. باسقا دا جٸگٸتتەرٸمٸز بار. ەندٸ سول جٸگٸتتەرٸمٸزگە اللا كٷش-قۋات بەرسٸن. ولاردى الداعى جەكپە-جەكتەرگە تىڭعىلىقتى دايىندايمىز.

- ال ۆاسيليي لەۆيت تۋرالى كٸشكەنە توقتالا كەتسەڭٸز...

- ۆاسيلييدٸڭ جۇدىرىقتاسۋ مەنەرٸ كٶڭٸلٸمنەن شىقتى. ول العاشقى سەكۋندتاردان باستاپ, تٸزگٸندٸ ٶز قولىنا الدى. رينگتٸڭ قوجايىنى سيياقتى بوكستاستى. ەشتەڭەدەن قايمىقپاي, قورعانباي قارسىلاسىن قۋىپ جٷرٸپ سابادى دەسەم دە بولادى. ول قازٸر مەدالعا ٸلٸنٸپ تۇر. بٸراق, قولدا مەدال بار دەپ قاناعاتتانۋعا قاقىمىز جوق. ەندٸ, ارى قاراي مەدالدىڭ ساپاسىن جاقسارتۋعا جۇمىس جاسايمىز.

- ەڭگٸمەڭٸزگە كٶپ راحمەت!

كٷنسۇلتان ورازباي, قازاقپارات