پاۆلوداردا بۇقار جىراۋ اتىنداعى ەدەبيەت جەنە ٶنەر مۋزەيٸندە ەرتٸس ٶڭٸرٸنەن شىققان بەلگٸلٸ تۇلعالاردىڭ دومبىرالارى قويىلعان زال اشىلدى, دەپ حابارلايدى pavlodarnews.kz تٸلشٸسٸ.
شاراعا قاتىسقان زييالى قاۋىم ٶكٸلدەرٸ مەن وبلىس ەكٸمٸنٸڭ ورىنباسارى ەلييا ارىنوۆاعا زال بويىنشا ەكسكۋرسييا ۇيىمداستىرىلدى. جەرگٸلٸكتٸ ايتىسكەر قۋانىشبەك شارمانوۆ ۇلتتىق دومبىرا كٷنٸنە ارنالعان ارناۋ ورىندادى. ەدەبيەت بٶلٸمٸنٸڭ مەڭگەرۋشٸسٸ ەربول قايىروۆتىڭ ايتۋىنشا, كٶرمەگە قازاقستاننىڭ حالىق جازۋشىسى مۇزافار ەلٸمباەۆتىڭ دومبىراسى العاشقى رەت قويىلىپ وتىر.
- بۇل قوس ٸشەكتٸ ۇلتتىق اسپاپتى جازۋشىنىڭ جۇبايى شەپۋ اپامىزدان ارنايى بارىپ سۇراپ الدىق, - دەيدٸ ەربول قايىروۆ. - مۇزافار ەلٸمباەۆتىڭ تٶرٸندە وسى جەنە بالا, قىرعىز دومبىراسى ٸلٸنٸپ تۇرعان ەكەن. اقىن شابىتى كەلٸپ ٶلەڭ شىعاراتىن كەزدە ٷنەمٸ قولىنا دومبىراسىن الىپ ويناعان. ۇلتتىق دومبىرا كٷنٸ ەرەكشە مەرەكە, سەبەبٸ, دومبىرانىڭ پەرنەسٸندە قازاقتىڭ سالت-دەستٷرٸ مەن تاريحى, مۇڭى مەن زارى جاتىر.
بٶلٸم مەڭگەرۋشٸسٸ ايتۋلى كٷننٸڭ كٷنتٸزبەدەن الار ورنى ەرەكشە ەكەنٸن اتاپ ٶتتٸ.
تۋمايدى جۇرتىن اقىن جىلاتۋعا, تۋادى جٷرەكتەردٸ نۇرلانتۋعا. ٶلەڭٸن ورامال عىپ ٶتەدٸ ولار, كٶز جاسىن ادامزاتتىڭ قۇرعاتۋعا, - دەپ اقىن بەكەر جىرلاماسا كەرەك. بۇل زالدا بيىلعى جىلى ەل تەۋەلسٸزدٸگٸنٸڭ قۇرمەتٸنە وراي 27 دومبىرا قويىلعان.ونىڭ ٸشٸندە كەزٸندە قازاق اسپاپتارىنىڭ اتاسى قامار قاسىموۆ جاساپ سىيعا تارتقان نۇفتوللا شەكەنوۆتىڭ, بالا كەزٸندە ەستايدىڭ الدىندا تۇرىپ ەن شىرقاعان قابدىكەرٸم ىدىرىسوۆتىڭ, ديحان ەبٸلوۆ پەن بايعابىل جىلقىباەۆتىڭ دومبىرالارىن كٶرۋگە بولادى.
سونىمەن قاتار, پوتانين اتىنداعى تاريحي-ٶلكەتانۋ مۇراجايىنان قانىش سەتباەۆتىڭ, ەستاي بەركٸمباەۆتىڭ دومبىرالارى جەنە قۇدايبەرگەن ەلسەيٸتوۆتىڭ بٷكتەمەلٸ دومبىراسى ەكەلٸنگەن. قالعانى مۋزەي قورىنان الىنعان.
اقىن-جازۋشىلاردىڭ ٶمٸر سٷرگەن زامانىنان سىرت شەرتەتٸن اسپاپتاردىڭ ٶزٸندٸك تاريحى بار. مەسەلەن, قاۋكەن كەنجەتاەۆتىڭ «اققۋلى» دەپ اتالاتىن دومبىراسىنىڭ ٶتكەننەن الار ورنى زور. تەاتر رەجيسسەرٸ «قىز جٸبەك پەن تٶلەگەن» فيلمٸندە قوس اققۋدى نۇرعيسسا تٸلەنديەۆتٸڭ «اققۋ» كٷيٸمەن بيلەتكەن.
سول فيلمدە بازاربايدىڭ رٶلٸن ويناعان ول كينو بٸتكەننەن كەيٸن وسى دومبىرانى ارنايى تاپسىرىسپەن جاساتقان. 1990 جىلدان باستاپ دومبىرا جەنە قىل قوبىز, پريما قوبىز, جەتٸگەن, ٷش ٸشەكتٸ دومرا (ورىس حالقىنىڭ ۇلتتىق اسپابى) سىندى اسپاپتار مەن قابىن جاساۋمەن اينالىسىپ كەلە جاتقان قولٶنەرشٸ قۋاندىق بايازيت دە دومبىرا جاساۋدىڭ قىر-سىرىمەن بٶلٸستٸ.
- 30 جىلعا جۋىق ۋاقىتتىڭ ٸشٸندە ميلليونعا جۋىق دومبىرا جاساعان شىعارمىن, - دەپ كٷلەدٸ قۋاندىق بايازيت. - زەينەتكەرلٸككە شىققاننان بەرٸ وسى ٶنەرگە دەن قويدىم. سىرتىنداعى قاپتاماسى مەن ويۋىن ٶزٸم ويامىن. شەبەرحانام بار. قاسىمدا بالالارىم كٶمەكتەسەدٸ. سوڭعى كەزدەرٸ دومبىرا جاسايتىندار كٶبەيدٸ.
2000 جىلدارى استاناعا ساتۋعا جيٸ الىپ باراتىنمىن. كٶبٸنەسە قىزىل اعاش قولداناتىنمىن. بٸراق قازٸر قولعا تٷسە قويمايدى. سوندىقتان قايىڭ مەن تەرەكتەن جاسايمىن. قولٶنەرشٸ جاس بۋىنعا ۇلتتىق ٶنەردٸ ٷيرەتۋگە ەردايىم دايىن ەكەنٸن ايتادى.
