مۇرات ەبەنوۆ: «بانكتەردٸڭ ٸشٸندە ساتقىندار مەن قىلمىسكەرلەر وتىر»

 فوتو: facebook.com/QazaqstanHalqyna

مەجٸلٸس دەپۋتاتى مۇرات ەبەنوۆ بانكتەردٸ ازاماتتاردىڭ جەكە دەرەكتەرٸن زاڭسىز پايدالانىپ وتىر دەپ ايىپتادى. ول ەلەكتروندى ٷكٸمەت جٷيەسٸ ارقىلى قارجى ۇيىمدارى ازاماتتاردىڭ كەلٸسٸمٸنسٸز نەسيە رەسٸمدەي الادى دەگەن ۋەج ايتتى. دەپۋتاتتىڭ پٸكٸرٸنشە, بانك الاياقتىعىنىڭ باسىم بٶلٸگٸ شەتەلدٸك قىلمىسكەرلەردەن ەمەس, قارجى ۇيىمدارىنىڭ ٶز ٸشٸنەن شىعىپ وتىر. بۇل تۋرالى Ult.kz حابارلايدى.

«بانكتەرگە ازاماتتاردىڭ جەكە دەرەكتەرٸن ۇرلاۋدىڭ دا قاجەتٸ جوق. باعدات مۋسين نە ٸستەپ كەتتٸ?! Kaspi بانكتٸ تٸكەلەي ەلەكتروندى ٷكٸمەتكە كٸرگٸزٸپ كەتتٸ. اشىقتان اشىق كٷندە كٸرەدٸ دە, بٸزدٸڭ دەرەكتەردٸ پايدالانىپ وتىر (بانكتەر, رەد). مىسالى Kaspi bank-تٸڭ قوسىمشاسىن اشىپ كٶرٸڭٸز, ٶزٸڭٸزدٸڭ جەكە قۇجاتىڭىزدى الاسىز. بٸراق جەكە قۇجاتىڭىزدى العان كەزدە سٸزگە «سٸزدٸڭ جەكە دەرەكتەرٸڭٸزدٸ بٸرەۋ الىپ جاتىر» دەگەن حابارلاما كەلە مە? كەلمەيدٸ. سوندا نەگە ولاي جاساپ قويعان? وسىلاي كٶپ بانكتەرگە جەكە دەرەكتەرگە كٸرۋگە رۇقسات بەرٸپ قويعان. مەن بٸر ٶزگەرٸس جاساتقىزدىم قازٸر. كەز كەلگەن نەسيە الۋدى ۇلتتىق بانك ارقىلى جاسايمىز, سەبەبٸ ەلەكتروندى ٷكٸمەتكە سەنبەيمٸن. 
جاقىندا بٸر ازاماتتان ارىز-شاعىم كەلدٸ. «ماعان Kaspi ban نەسيە تٸركەگەن, بٸراق مەن وعان مەمٸلە بەرگەن جوقپىن, ۇلتتىق بانككە بارسام نەسيە ماقۇلداۋدان ٶتپەگەن» دەيدٸ. ياعني ەلەكتروندى ٷكٸمەتكە تٸكەلەي كٸرٸپ نەسيە رەسٸمدەپ الىپ وتىر. وعان كٸم رۇقسات بەردٸ?
سوندىقتان 90 پايىز بانك الاياقتىعى بانكتٸڭ ٶز ٸشٸندە. سەبەبٸ قالاي بانك مەنٸڭ رۇقساتىمسىز ەلەكتروندى قول قويادى? مەنٸڭ ورنىما كەلٸسٸمشارت جاسايدى, بٸراق مەن ٶزٸم ول كەلٸسٸمشارتتى كٶرگەن جوقپىن. مەنٸڭ ايلىعىم جەتپەسە دە 800 مىڭ ايلىعى بار دەپ جازىپ قويادى. ونى كٸم جاسايدى? سوسىن نەسيە تٷسكەن سەتتە 15 مينۋتتىڭ ٸشٸندە باسقا شوتقا جٸبەرەدٸ. بانك جاساماي كٸم جاسايدى ونى? ۋكراينا مەن رەسەيدە وتىرعان الاياقتار جاساي المايدى ونى. بانكتٸڭ ٸشٸندە ساتقىندار وتىر. قىلمىسكەرلەر سونىڭ ٸشٸندە وتىر. شەت مەملەكەتتەردە اقشا ۇرلانسا نەسيە رەسٸمدەلگەن ادام ەمەس, بانك ٶزٸ سوتتاسىپ, الاياقتى ٶزٸ ٸزدەيدٸ ەكەن. بٸزگە دە سولاي جاساۋىمىز كەرەك. ۇرلانعان اقشا ‒ بانكتٸڭ ايىبى. بانك ٶزٸ ٸزدەسٸن, ٶزٸ سوتتاسسىن. كەلەسٸزە وسى ٶزگەرٸستەرگە بٸز جەتكٸزەمٸز», ‒ دەدٸ مۇرات ەبەنوۆ جۋرناليستەرگە بەرگەن سۇحباتىندا.