ماڭعىستاۋ وبلىسى مۇنايلى اۋدانىنىڭ «قىزىلتٶبە-2» تۇرعىن ٷي ماسسيۆٸندە سپورت الاڭى جوق. سوعان قاراماستان, مۇنايلىلىق جاس سپورتشىلار 60 شارشى مەتر عيماراتتى كەسٸبي سپورت الاڭىنا اينالدىردى. وندا ماماندار 80-نەن استام بالانى ەركٸن كٷرەسكە باۋلىپ جٷر. بۇل تۋرالى مۇنايلى اۋدانى ەكٸمدٸگٸنٸڭ باسپاسٶز قىزمەتٸ حابارلادى.
«قىزىلتٶبە-2» تۇرعىن ٷي ماسسيۆٸندە سپورت الاڭدارى جوق. سوندىقتان ٶزٸمٸز ارنايى زال اشىپ, ونى جابدىقتاپ, قىركٷيەك ايىنان بالالاردى قابىلداپ باستادىق. بٸر بايقاعانىمىز, بالالار سپورتقا زور ىنتامەن كەلەدٸ. بٷلدٸرشٸندەردٸڭ سپورتقا قىزىعۋشىلىعى جوعارى», - دەدٸ جاتتىقتىرۋشى مىڭباي ٸزمۇحانوۆ.
مىڭباي ٸزمۇحانوۆ سپورت زالىن الدىمەن 38 مىڭعا جۋىق حالقى بار باسقۇدىق اۋىلىنان اشقان. كەيٸن «قىزىلتٶبە-2» تۇرعىن ٷي ماسسيۆٸنەن عيمارات جالداپ, ارنايى مامانداردى جۇمىسقا قابىلداعان. مەسەلەن, جاتتىقتىرۋشى بولاتبەك حناباەۆ 80 بالاعا ەركٸن كٷرەستٸڭ قىر-سىرىن ٷيرەتٸپ جاتىر.
«بالالار سپورتتىق سەكتسييالارعا تەگٸن قاتىسادى. ٶيتكەنٸ قازٸر مەملەكەت تاراپىنان جەكە سپورت كلۋبتارىنا قاتىساتىن بالالارعا قارجىلاي كٶمەك كٶرسەتٸلەدٸ. سونىڭ ەسەبٸنەن كٸشكەنتاي بولسا دا عيمارات جالداپ, ٶزگە جاتتىقتىرۋشىلاردىڭ جالاقاسىن بەرٸپ وتىرمىز», - دەدٸ مىڭباي ٸزمۇحانوۆ.
سپورت نىسانىنا تٷسكە دەيٸن 50, تٷستەن كەيٸن 30 بالا كەلٸپ جاتتىعادى. 6 مەن 15 جاس ارالىعىنداعى بالالار كٶپ كەلەدٸ. جاس جاتتىقتىرۋشى شەكٸرتتەرٸنٸڭ اراسىنان ەل چەمپيوندارى شىعارىنا بەك سەنٸمدٸ.
ايتا كەتەيٸك, بۇدان بٶلەك باسقۇدىق اۋىلىنان دا سپورت الاڭى اشىلدى. وعان جٷزگە جۋىق بالا كاراتە جەنە ەركٸن كٷرەس سەكتسييالارىنا قاتىسادى.
