فوتو: اشىق دەرەككٶز
اقىن مۇحتار شاحانوۆتىڭ بۇرىنعى ەيەلٸ, بەلگٸلٸ عالىم, پەداگوگ روزاليندا ەشٸربايقىزى شاحانوۆا دٷنيەدەن ٶتتٸ. قارالى حاباردى قازاق ۇلتتىق قىزدار پەداگوگيكالىق ۋنيۆەرسيتەتٸنٸڭ باسپاسٶز قىزمەتٸ جەتكٸزدٸ, دەپ حابارلايدى Ult.kz.
روزاليندا شاحانوۆا – 1951 جىلى پاۆلودار قالاسىندا دٷنيەگە كەلگەن. QyzPU-دىڭ «ورىس تٸلٸ مەن ەدەبيەتٸ» ماماندىعىنا تٷسٸپ, ونى 1974 جىلى تەمامداعان. بەس جىلعا جۋىق ورتا مەكتەپتە تەربيەشٸ جەنە ورىس تٸلٸ مەن ەدەبيەتٸ مۇعالٸمٸ بولىپ جۇمىس ٸستەگەن.
عىلىمعا شىنايى بەت بۇرعان روزاليندا شاحانوۆا 1990 جىلى كانديداتتىق ديسسەرتاتسيياسىن تابىستى قورعاپ شىققان. 1993 جىلى «قازاق تٸلٸ مەن ەدەبيەتٸ» ماماندىعى بويىنشا ەكٸنشٸ جوعارى بٸلٸم تۋرالى ديپلوم العان. سونىمەن قاتار سول جىلى دوتسەنت عىلىمي اتاعىنا يە بولدى.
2004 جىلى تەجٸريبەلٸ دە جوعارى بٸلٸكتٸ مامان رەتٸندە QyzPU-عا قىزمەتكە شاقىرىلىپ, 2008 جىلعا دەيٸن وقۋ-ەدٸستەمەلٸك جۇمىس جٶنٸندەگٸ پرورەكتور لاۋازىمىن اتقارعان.
روزاليندا شاحانوۆا بٸرقاتار وقۋ جەنە وقۋ-ەدٸستەمەلٸك قۇرالدار مەن كٶپتەگەن عىلىمي ماقالالاردىڭ اۆتورى. ونىڭ عىلىم مەن بٸلٸم بەرۋدەگٸ ٸسٸن جالعاستىرۋشى ٸزباسارلارى دا از ەمەس.
عىلىم مەن بٸلٸم بەرۋ سالاسىنا قوسقان زور ٷلەسٸ ٷشٸن «قر بٸلٸم بەرۋ ٸسٸنٸڭ ٷزدٸگٸ», «جوعارى وقۋ ورنىنىڭ ٷزدٸك وقىتۋشىسى» سيياقتى اتاقتارعا, قر عىلىم جەنە بٸلٸم بەرۋ مينيسترلٸگٸنٸڭ «عىلىمنىڭ دامۋىنا قوسقان ٷلەسٸ ٷشٸن», «ى. التىنسارين», QyzPU دامۋىنا قوسقان ٷلەسٸ ٷشٸن «قۇرمەت» مەدالٸنە جەنە تاعى باسقا دا كٶپتەگەن ماراپاتتارعا يە بولعان.
روزاليندا ەشٸربايقىزى ٶزٸنە العاش عىلىم ەسٸگٸن اشقان QyzPU-مەن ٶمٸرٸنٸڭ سوڭىنا دەيٸن بايلانىسىن ٷزبەگەن. جىل سايىن مەملەكەتتٸك ەمتيحان كوميسسيياسىنا تٶراعالىق ەتٸپ جٷردٸ.
"ٶمٸرٸ ٶنەگەلٸ, عىلىمي جەنە اعارتۋشىلىق مۇراسى مول روزاليندا ەشٸربەكقىزى شاحانوۆانىڭ جارقىن بەينەسٸ ەشقاشان ۇمىتىلماق ەمەس. مارقۇمنىڭ جاتقان جەرٸ جايلى, توپىراعى تورقا بولسىن", - دەلٸنگەن ۋنيۆەرسيتەت حابارلاماسىندا.
