«جالىن» جۋرنالىنىڭ باس ديرەكتورىنىڭ ورىنباسارى قۇدييار بٸلەل قازاقپارات تٸلشٸسٸنە تەلەفون ارقىلى تاياۋدا عانا اۋرۋحانادان شىققان مۇحتار شاحانوۆتىڭ جاعدايى تۋرالى ايتىپ بەردٸ. وسى ايدا 78 جاسقا تولعان اقىن قازٸر ٷيٸندە ەم الىپ جاتىر.
«2 شٸلدە كٷنٸ – مۇحتار اعامىزدىڭ تۋعان كٷنٸ. جىلدا رەداكتسييا قىزمەتكەرلەرٸ اعامىزدىڭ تۋعان كٷنٸن اتاپ ٶتٸپ, شاي ٸشەتٸنٸمٸز بار. بيىل دا سول دەستٷر بويىنشا داستارحان باسىنا جينالعانبىز. بٸراق مۇقاڭنىڭ مازاسى بولماي وتىردى. ەكٸمدٸكتەن دە قۇتتىقتاۋ كەلگەن بولاتىن. ولارعا دا كٶڭٸل اۋانىن بٸلدٸرە قويماي, جالپى مازاسىز وتىردى. جەڭگەمٸز دە ەكٸ كٷننەن بەرٸ وسى كٷيدە جٷرگەنٸن ايتتى. اۋىرىپ وتىرعانىن بٸلدٸك. بٸراق جاي تۇماۋ دەپ ويلاعانبىز», - دەگەن قۇدييار بٸلەل سول كٷنٸ كەشكٸسٸن جەدەل جەردەم شاقىرىلعانىن ايتادى.
اۋرۋحاناعا جەتكٸزٸلگەننەن كەيٸن دەرٸگەرلەر مۇحتار شاحانوۆتىڭ ٶكپەسٸنٸڭ قابىنعانىن انىقتاعان.
«سٶيتٸپ «قالقامانداعى» اۋرۋحاناعا الىپ كەتتٸ. بٸزدە ٸشكە كٸرگٸزبەدٸ. حابارلاسىپ تۇردىق. بٸراق ەمدەۋ پروتسەسٸنە كٶڭٸلٸ تولمايتىنىن اڭعارتىپ, اۋرۋحانادان شىعامىن دەپ مازاسىزدىق بٸلدٸرە باستادى. جالپى مۇقاڭ مٸنەزدٸ ادام عوي. تٸكە ايتادى. دەسە دە دەرٸگەرلەرمەن سٶيلەسٸپ, ونىڭ اۋرۋحانادان شىعۋىنا مٷمكٸندٸك بەرمەدٸك. بٸراق كٷندەر ٶتە كەلە مۇقاڭنىڭ داۋىسى بەسەڭدەپ, ەمدەۋشٸ دەرٸگەرلەر ونىڭ تاماق ٸشپەيتٸنٸن ايتتى. كٶڭٸلٸنە جاقپاعان بٸر نەرسە بولدى ما, جوق باسقا ما – ەيتەۋ ەمدەۋ وڭ نەتيجە بەرگەن جوق. «شىعارىڭدار» دەگەندٸ ايتا بەرەدٸ. وسى جاعدايعا بايلانىستى مەملەكەتتٸك تۇرعىدا قامقورلىققا الۋ تۋرالى پرەزيدەنتكە اشىق حات جازدىم», - دەيدٸ ول.
قۇدييار بٸلەل سول حاتتان پرەزيدەنت قۇلاعدار بولدى دەپ ويلايتىنىن جەتكٸزدٸ.
«سودان اعامىز اۋرۋحانادان ٶز بەتٸنشە شىعىپ كەتتٸ. بٸزگە ايتىلمايدى عوي. ەكٸ كٷن ٷيدە ەمدەلگەننەن كەيٸن جوعارى دەڭگەيدەگٸ قامقورلىققا الىنىپ, مۇقاڭدى ينفەكتسييالىق اۋرۋحاناعا الىپ كەتتٸ. سول جاقتا ەم قابىلداي باستادى. حابارلاسساق ەزٸلدەپ «كٷنٸنە ەلۋ ۋكول سالادى» دەيدٸ. ەم قالىپتى جٷرٸپ جاتىر دەپ, كٶڭٸلٸ ورنىققان سەكٸلدٸ. سول جەرگە بارعاننان كەيٸن بٸردەن بەتٸ بەرٸ قاراي باستادى. بارىپ سىرتتاي تٸلدەسٸپ جٷردٸك. قاسىنداعى كٸسٸلەرمەن دە, دەرٸگەرلەرمەن دە سٶيلەسٸپ تۇردىق. تەرتٸپ قاتاڭ ەكەن. دەرٸگەرلەردٸڭ كيٸم كيٸسٸ, تەرتٸپ, ەمدەۋ شارالارىن بەرٸن سىرتتاي باقىلاپ, ونداعى جۇمىستار مەملەكەتتٸك تۇرعىدا جاسالعان ٷلكەن ٸس-شارا ەكەنٸن سەزٸنەسٸڭ. كٶرەسٸڭ. ٷلكەن جۇمىس جاسالىپ جاتقانىن ۇعاسىڭ. ول جەردەگٸ قامقورلىقتىڭ دا, مٷمكٸندٸكتٸڭ دە جوعارى ەكەنٸن بٸلدٸك», - دەيدٸ قۇدييار بٸلەل.
قۇدييار بٸلەل اۋرۋحانادا جاتقان باسقا دا ادامداردىڭ تەرەزە ارقىلى تٸلدەسٸپ, جاعدايىن سۇراپتى.
«بەرٸ دە ريزاشىلىعىن بٸلدٸرٸپ, قۋانىپ, شىعامىز دەپ جاتتى. بارعاننان كەيٸن جۋرناليست بولعاننان كەيٸن بٸلٸپ قالايىن دەپ جاتىرمىن عوي باياعى. مۇقاڭ دا سول قامقورلىقتىڭ ارقاسىندا امان-ەسەن ٷيٸنە ورالدى. قازٸر اعامىزعا «جاتا بەرەسٸز بە, جۇمىسقا قاشان شىعاسىز» دەپ ەزٸلدەيمٸز. ەزٸرشە ٷيٸندە ەم قابىلداپ جاتىر. دٷيسەنبٸدە رەداكتسيياعا بٸر كەلٸپ كەتەدٸ», - دەپ تٷيدٸ قۇدييار بٸلەل.
