بٷگٸن الماتى قالاسىنداعى قىلمىستىق ٸستەر جٶنٸندەگٸ مامانداندىرىلعان اۋدانارالىق سوتى بتا بانك ٸسٸ بويىنشا ٷكٸم شىعاردى.
سوت ٷكٸمٸن اتالعان سوتتىڭ تٶراعاسى مارتبەك كەكٸمجانوۆ وقىدى. سوت قىلمىستىق ٸستٸڭ باستى كەيٸپكەرٸ - مۇحتار ەبٸليازوۆتى - 20 جىلعا, بتا بانكتٸڭ نەسيەلەۋ بويىنشا ديرەكتورى قايرات سادىقوۆتى -15 جىلعا, بانك تٶراعاسىنىڭ ەكس-ورىنباسارى جاقسىلىق جارىمبەتوۆ پەن بۇرىنعى باسقارما تٶراعاسى سەدۋاقاس مەمەشتەگٸن - 5 جىلعا شارتتى تٷردە باس بوستاندىعىنان ايىرۋ تۋرالى ٷكٸم كەستٸ.
ايتا كەتەلٸك, باستى سوت وتىرىسى مەملەكەتارالىق ٸزدەۋدەگٸ مۇحتار ەبٸليازوۆتٸڭ قاتىسۋىنسىز ٶتتٸ.
«ەبٸليازوۆ مۇحتار قابىلۇلى, 1963 جىلى 16 مامىردا وڭتٷستٸك قازاقستان وبلىسىندا تۋعان, بۇرىن سوتتالعان, قر قك-نٸڭ 263 بابىنىڭ, 4 تارماعى بويىنشا - «قىلمىستىق قاۋىمداستىق قۇرىپ, وعان جەتەكشٸلٸك ەتكەن, سوعان قاتىسۋمەن بٸردەي سانالادى», 176 بابىنىڭ 3 تارماعى بويىنشا - «بٶتەننٸڭ مٷلكٸن يەلەنۋ جەنە جۇمساۋ», 24 بابىنىڭ 3 تارماعى بويىنشا - «قىلمىس جاساۋعا دايىندالۋ جەنە قىلمىس جاساۋعا قاستاندىق», 193 بابىنىڭ 3 تارماعى بويىنشا - «قىلمىستىق جولمەن تاپقان اقشانى زاڭداستىرۋ, اقشا ۇرلاۋ», 220 بابىنىڭ 1 تارماعى بويىنشا - «بانكتٸڭ اقشاسىن زاڭسىز جولمەن جۇمساۋ», 228 بابى بويىنشا - «ٶكٸلەتتٸكتەرٸن اسىرا پايدالانۋ» قىلمىستارىن جاسادى دەپ ايىپتالىپ, 20 جىلعا سوتتالسىن. سونداي-اق, ونىڭ مٷلكٸ تەركٸلەنٸپ, 300 ايلىق ەسەپتٸك كٶرسەتكٸش كٶلەمٸندەگٸ ايىپپۇل سالىنادى, ٷش جىلعا دەيٸن بانك سالاسىندا كەسٸبي قىزمەتپەن اينالىسۋىنا تىيىم سالىنادى»,- دەدٸ سۋديا ەبٸليازوۆقا قاتىستى ٷكٸمدٸ جارييا ەتٸپ. قر قك-نٸڭ 235 بابىنىڭ 3 تارماعى; 176 بابىنىڭ 3 تارماعىنىڭ «ا,ب» تارماقشاسى; 24 بابىنىڭ 3 تارماعى; 193 بابىنىڭ 3 تارماعىنىڭ «ب,ۆ» تارماقشاسى بويىنشا; 220 بابىنىڭ 1 تارماعى جەنە 228 بابى بويىنشا قىلمىستى ەرەكەتتەر جاسادى دەپ ايىپتالعان مۇحتار ەبٸليازوۆتٸڭ سىبايلاستارىنىڭ بٸرٸ - قايرات سادىقوۆ 15 جىلعا سوتتالدى.
سونداي-اق, ونىڭ مٷلكٸ كەمپەسكەلەنٸپ, 300 ايلىق ەسەپتٸك كٶرسەتكٸش كٶلەمٸندە ايىپپۇل سالىنادى, ٷش جىلعا دەيٸن بانك سالاسىندا كەسٸبي قىزمەتپەن اينالىسا المايدى. سوتتا ٶزٸنٸڭ كٸنەسٸن مويىنداماعان ق. سادىقوۆ سوت زالىنان قاماۋعا الىندى. ال م. ەبٸليازوۆتٸڭ ەكٸ سىبايلاسى - جاقسىلىق جارىمبەتوۆ پەن سەدۋاقاس مەمەشتەگٸ 5 جىلعا شارتتى تٷردە باس بوستاندىعىنان ايىرىلدى. ايتا كەتەلٸك, قر قك-نٸڭ 235 بابىنىڭ 3 تارماعى; 176 بابىنىڭ 3 تارماعىنىڭ «ا,ب» تارماقشاسى; 24 بابىنىڭ 3 تارماعى; 193 بابىنىڭ 3 تارماعىنىڭ «ب,ۆ» تارماقشاسى بويىنشا قىلمىس جاسادى دەپ ايىپتالعان ەكٸ سوتتالۋشى دا تولىعىمەن ٶز كٸنەسٸن مويىندادى. «سوتتالۋشى جارىمبەتوۆ ٶزٸنٸڭ قىلمىسىنا ٶكٸنٸش بٸلدٸردٸ جەنە تەرگەۋگە كٶمەكتەستٸ, ونىڭ التى بالاسى بار, ەكەۋٸ كەمەلەتتٸك جاسقا تولماعان. ج. جارىمبەتوۆ قر قك-نٸڭ 58 بابىن نەگٸزگە الا وتىرىپ, 5 جىلعا باس بوستاندىعىنان ايىرىلادى, ٷش جىلعا دەيٸن سىناق مەرزٸمٸمەن باقىلاۋدا بولادى. وعان تۇرعىلىقتى مەكەن-جايىن اۋىستىرۋعا تىيىم سالىنادى»,- دەپ وقىدى ج. جارىمبەتوۆكە قاتىستى ٷكٸمدٸ سۋديا. سەدۋاقاس مەمەشتەگٸ قر قك-نٸڭ 176 بابىنىڭ 3 تارماعىنىڭ «ا,ب» تارماقشاسى; 193 بابىنىڭ 3 تارماعىنىڭ «ب,ۆ» تارماقشاسى, 220 باپ بويىنشا ايىپتالىپ, 5 جىلعا باس بوستاندىعىنان ايرىلدى. ول دا قر قك-نٸڭ 58 بابىن نەگٸزگە الا وتىرىپ, ٷش جىلعا دەيٸن باقىلاۋدا بولادى. جاقسىلىق جارىمبەتوۆ پەن سەدۋاقاس مەمەشتەگٸگە 300 ايلىق ەسەپتٸك كٶرسەتكٸش كٶلەمٸندە ايىپپۇل سالىنادى, ولار دا ٷش جىلعا دەيٸن بانك سالاسىندا كەسٸبي قىزمەتپەن اينالىسا المايدى.
سوت ٷكٸمٸندە ايتىلعانداي, اتالعان ٷش سوتتالۋشى دا بتا بانككە كەلتٸرٸلگەن اقشالاي شىعىندى تولىعىمەن ٶتەيتٸن بولىپ, مٸندەتتەلدٸ. ايتا كەتەلٸك, بتا بانك ٸسٸ بويىنشا باستى سوت وتىرىسى 2017 جىلدىڭ 3 سەۋٸرٸندە باستالعان بولاتىن.
