ٶسكەمەن قالاسىندا جالىن شارپىعان جەر ٷيدەن مٷمكٸندٸگٸ شەكتەۋلٸ ەكٸ ادام شىعا الماي قالعان. سول كەزدە وقيعا ورنىنا ٶرت سٶندٸرۋشٸلەردەن بۇرىن جەتكەن پوليتسييا قىزمەتكەرلەرٸ قانات قاسىمحانوۆ پەن ميرحات گيناياتوۆ ەش كٸدٸرمەستەن ولاردى قۇتقارۋعا ۇمتىلدى, دەپ حابارلايدى قازاقپارات.
وقيعا 7 جەلتوقسان كٷنٸ ساعات 07.40-شاماسىندا بولدى. «102» جەدەل ارناسىنا كامچاتسكايا كٶشەسٸندەگٸ جەكە تۇرعىن ٷيدٸڭ ٶرتەنٸپ جاتقانى جايلى حابار تٷسكەن. سول جەرگە لەزدە قالالىق پوليتسييا باسقارماسى پاترۋلدٸك پوليتسييا باتالونىنىڭ قىزمەتكەرلەرٸ قانات قاسىمحانوۆ پەن ميرحات گيناياتوۆ كەلٸپ جەتەدٸ.
«ٷيدٸڭ الدىندا بٸر توپ ادام جينالىپ قالىپتى. «بۇل ٷيدە كٸم تۇرادى?» دەپ سۇرادىق. سول كەزدە ولار مۇندا مٷگەدەك ەكٸ كٸسٸنٸڭ تۇراتىندىعى جايلى ايتتى. قاقپانىڭ ەسٸگٸ جابىق بولعاندىقتان ەرٸپتەسٸم ەكەۋٸمٸز سەكٸرٸپ ٸشكە ەندٸك. وسى مەزەتتە ٷي ٸشٸنەن ايقايلاعان داۋىستار ەستٸلدٸ», - دەيدٸ اعا لەيتەنانت قانات قاسىمحانوۆ.
تەرتٸپ ساقشىلارى ٶرت سٶندٸرۋشٸلەردٸڭ كەلٸپ جەتكەنٸن كٷتٸپ تۇرماي تەرەزەنٸ شاعىپ ٷيگە كٸرگەن.
«ادام ٶمٸرٸنە قاۋٸپ تٶنگەندە ويلانۋعا ۋاقىت جوق. سىن ساعاتتا دەرەۋ ەرەكەت ەتپەسەك كەش قالۋىمىز مٷمكٸن. ەيتەۋٸر دەگەندە بٸر بٶلمەدەن ەيەل ادامدى تاپتىق. ارتىنان انىقتالعانداي, وعان يٸس تيگەن ەكەن», - دەيدٸ پوليتسەي.
پوليتسييا قىزمەتكەرلەرٸ ونى كٶتەرٸپ تەرەزە ارقىلى سىرتقا شىعارعان. سول كەزدە ەيەل ٷيدە ارباعا تاڭىلعان اپايىنىڭ قالىپ قويعانىن جەتكٸزدٸ. ساقشىلار قايتادان ٸشكە كٸرٸپ ٸزدەۋگە كٸرٸستٸ. بٸراق ٷيدٸ تۇمشالاعان قويۋ تٷتٸن مەن لاۋلاعان وت بەت قاراتپادى. مٸنە وسى ۋاقىتتا ٶرت سٶندٸرۋشٸلەر كەلٸپ جەتكەن. قۇتقارۋشىلار كٶپ ۇزاماي ەكٸنشٸ ەيەلدٸ تاۋىپ الدى. ولارعا وقيعا ورنىندا جەدەل جەردەم قىزمەتكەرلەرٸ العاشقى مەديتسينالىق كٶمەك كٶرسەتكەن. وسىلايشا, مٷمكٸندٸگٸ شەكتەۋلٸ ەكٸ ەيەل دە امان قالدى.
كٷرشٸم اۋدانىندا دٷنيەگە كەلگەن قانات قاسىمحانوۆتىڭ قۇقىق قورعاۋ ورگانىندا قىزمەت ەتٸپ جٷرگەنٸنە 14 جىلدان اسىپتى. ٷيلەنگەن, ەكٸ بالاسى بار. ال ٶسكەمەن قالاسىندا 1996 جىلى تۋعان ميرحات گيناياتوۆ ەزٸرشە بويداق. ساقشىلاردىڭ سٶزٸنشە, وقيعا قاس-قاعىم سەتتە ٶتە شىققان. بٷگٸندە ولاردىڭ ەرلٸكتەرٸ باعالانىپ, شقو پوليتسييا دەپارتامەنتٸنٸڭ باستىعى ساعات مەديەۆتٸڭ قولىنان گراموتا الدى.
