اتالمىش ناگرادا ەلٸمٸزدە العاش رەت بەرٸلدٸ. مەملەكەت باسشىسىنىڭ جارلىعىمەن 20-دان استام مۇعالٸم بٸلٸم بەرۋ سالاسىنا سٸڭٸرگەن ەڭبەگٸ ٷشٸن مەملەكەتتٸك ماراپاتقا يە بولدى, دەپ حابارلايدى "ۇلت اقپارات" بٸلٸم جەنە عىلىم مينيسترلٸگٸنە سٸلتەمە جاساپ.
بٸلٸم جەنە عىلىم مينيسترٸ اسحات ايماعامبەتوۆ پەداگوگتەرگە مەملەكەتتٸك ناگرادانى تابىس ەتٸپ, ولارعا العىس بٸلدٸردٸ.
«پەداگوگتەرگە مەملەكەت تاراپىنان ەرەكشە كٶڭٸل بٶلٸنٸپ جاتىر. مەملەكەت باسشىسىنىڭ تاپسىرماسى بويىنشا العاش رەت «قازاقستاننىڭ ەڭبەك سٸڭٸرگەن ۇستازى« مەملەكەتتٸك ناگراداسى تاعايىندالدى. ەڭبەكتەرٸڭٸز بەن ٶسكەلەڭ ۇرپاقتى تەربيەلەۋگە قوسقان ٷلەستەرٸڭٸز ٷشٸن العىس ايتامىن. ناگرادالارىڭىز قۇتتى بولسىن! سٸزدەرگە مىقتى دەنساۋلىق, وتباسىلارىڭىزعا اماندىق, باق-بەرەكە تٸلەيمٸن», – دەدٸ مينيستر.
سونداي-اق بٸلٸم جەنە عىلىم مينيسترٸ سوڭعى جىلدارى ەنگٸزٸلگەن وڭ ٶزگەرٸستەرگە توقتالىپ ٶتتٸ. مەسەلەن, جالاقىنىڭ ٶسۋٸ, ەسەپ بەرۋ پەن پەداگوگيكالىق جٷكتەمەنٸڭ تٶمەندەۋٸ, وقۋلىقتار مەن وقۋ باعدارلامالارىن ەزٸرلەۋگە قويىلاتىن تالاپتىڭ كٷشەيۋٸ, مەكتەپ ديرەكتورلارىن تاعايىنداۋ جەنە پەداگوگتەردٸ جۇمىسقا قابىلداۋ قاعيدالارىنىڭ ٶزگەرۋٸ, پەداگوگ ماماندىعى بويىنشا وقۋعا تٷسۋگە قاجەت شەكتٸ ۇپايدىڭ ارتۋى, بولاشاق مۇعالٸمدەردٸڭ اي سايىنعى ستيپەنديياسىنىڭ جوعارىلاۋى تۋرالى دا ايتىلدى.
«قازاقستاننىڭ ەڭبەك سٸڭٸرگەن ۇستازى» مەملەكەتتٸك ناگراداسى مۇعالٸمدەرگە ٷزدٸك جەتٸستٸكتەرٸ مەن مەملەكەت الدىنداعى ەرەكشە ەڭبەگٸ ٷشٸن بەرٸلەدٸ. جوعارى اتاققا يە بولعان پەداگوگ 1 000 اەك (2 917 000 تەڭگە - "ۇلت اقپارات") مٶلشەرٸندە بٸرجولعى تٶلەم الادى.
ەڭبەك ارداگەرٸ, ۇلاعاتتى ۇستاز ورىنشا قارابالينا بٷگٸنگٸ تاڭدا پەداگوگ مەرتەبەسٸ زاڭمەن بەكٸتٸلگەنٸن, ەندٸگٸ كەزەكتە بارلىعى مۇعالٸمدەردٸڭ ٶزدەرٸنە بايلانىستى ەكەنٸن اتاپ ٶتتٸ.
«قازاق حالقى اعارتۋشىلار مەن ۇستازداردى تٶرگە وتىرعىزساق دەگەن ەدٸ. سول يدەيا بٷگٸنگٸ تاڭدا ٸسكە استى. قازٸر بٸز تٶردە وتىرمىز. مۇعالٸمدەردٸ قوعام دا مويىندادى. اتا-انا دا, وقۋشى دا مۇعالٸمدەرسٸز تەلٸم-تەربيە الا المايتىنىن تٷسٸندٸ. مۇعالٸمدەرگە بارلىق جاعداي جاسالىپ وتىر. ەندٸ مۇعالٸمدەردٸڭ ٶزٸنە بايلانىستى. سوندىقتان ايتارىم, ۇستاز وسى اتاققا لايىق بولۋ كەرەك. ول ٷشٸن مۇعالٸمنٸڭ جٷرٸس-تۇرىسى دا, كيگەن كيٸمٸ دە, سٶيلەگەن سٶزٸ دە ٶنەگە تۇتارلىقتاي بولۋ كەرەك. مۇعالٸم سونداي دەرەجەگە جەتسە عانا وقۋشىلاردىڭ جٷرەگٸنەن ورىن الادى», – دەدٸ قازاقستاننىڭ ەڭبەك سٸڭٸرگەن ۇستازى ورىنشا قارابالينا.
«قازاقستاننىڭ ەڭبەك سٸڭٸرگەن ۇستازى» قۇرمەتتٸ اتاعىن العاندارلىڭ اراسىندا الماتى وبلىسى № 1 مەكتەپ-گيمنازيياسىنىڭ حيمييا جەنە بيولوگييا پەنٸنٸڭ مۇعالٸمٸ تاتيانا ستانكەۆيچ بار. ول 35 جىل وقۋشىلارعا بٸلٸم بەرگەن. ۇستاز شەكٸرتتەرٸنە ەكولوگييالىق مەدەنيەتتٸ ٷيرەتٸپ, جاس ەرٸكتٸلەردٸ تەربيەلەگەن. تاتيانا ستانكەۆيچ كٶپتەگەن رەسپۋبليكالىق جەنە حالىقارالىق بايقاۋلاردىڭ جەڭٸمپازى جەنە 2013 جىلى «ٷزدٸك پەداگوگ» اتانعان.
«بٷگٸن ۇستازدار ٷشٸن ايتۋلى كٷن. بۇل ەلٸمٸزدەگٸ مۇعالٸمدەردٸڭ اتقارعان جۇمىسىنا بەرٸلگەن جوعارى باعا. وقۋشىنىڭ قولىنا العاش رەت قالام ۇستاتىپ, ەرٸپ تانىتقان, بٸلٸم بەرگەن مۇعالٸمدەردٸڭ زور ەڭبەگٸنە كٶرسەتٸلگەن قۇرمەت ٷشٸن العىسىم شەكسٸز», – دەدٸ قازاقستاننىڭ ەڭبەك سٸڭٸرگەن ۇستازى تاتيانا ستانكەۆيچ.
مەملەكەتتٸك ناگراداعا پەتروپاۆل قالاسىنىڭ م. ايتحوجين اتىنداعى № 1 مەكتەپ ديرەكتورى الەكساندر كۋرلەنيا دا يە بولدى. بۇل ماراپاتتى 40 جىلدان استام ەڭبەك ٶتٸلٸ بار بٸلٸكتٸ باسشى بٷكٸل مەكتەپ ۇجىمىنىڭ ەڭبەگٸ دەپ سانايدى.
«وسىنداي قۇرمەتكە بٶلەنگەنٸم ٷشٸن ٶتە قۋانىشتىمىن. بٸزدٸڭ مەكتەبٸمٸزدٸڭ بوي كٶتەرگەنٸنە بيىل 100 جىل. بۇل مەملەكەتتٸك ماراپاتتى ۇجىمداعى ەربٸر پەداگوگتٸڭ اتقارىپ جاتقان ەڭبەگٸنە بەرٸلگەن جوعارى باعا دەپ بٸلەمٸن. مەملەكەت مۇعالٸمدەرگە مورالدىق جەنە ماتەريالدىق جاعىنان دا قولداۋ كٶرسەتٸپ كەلەدٸ», – دەدٸ قازاقستاننىڭ ەڭبەك سٸڭٸرگەن ۇستازى الەكساندر كۋرلەنيا.
