مەدەنيەت جەنە سپورت مينيسترٸ اقتوتى رايىمقۇلوۆا مەملەكەتتٸك بٸلٸم بەرۋ ۇيىمدارىنىڭ پەداگوگتەرٸنە ساباقتان تىس سپورت جاتتىعۋىن جٷرگٸزگەنٸ ٷشٸن قوسىمشا اقى بەرٸلەتٸنٸن مەلٸمدەدٸ, دەپ حابارلايدى قازاقپارات.
«سپورت سالاسىنداعى جاتتىقتىرۋشى-وقىتۋشىلاردىڭ, مۇعالٸمدەردٸڭ, 4 مەكتەپ-ينتەرنات-كوللەدجٸ مەن سپورت كوللەدجٸ تەربيەشٸلەرٸنٸڭ, بالالار-جاسٶسپٸرٸمدەر سپورت مەكتەبٸنٸڭ جاتتىقتىرۋشى-وقىتۋشىلارىنىڭ جالاقىسى كٶتەرٸلەدٸ. مەملەكەتتٸك بٸلٸم بەرۋ ۇيىمدارىنىڭ پەداگوگتەرٸنە ساباقتان تىس سپورت جاتتىعۋلارىن جٷرگٸزگەنٸ ٷشٸن بازالىق لاۋازىمدىق جالاقىنىڭ (17 697 تەڭگە) 100% مٶلشەرٸندە قوسىمشا اقى بەرٸلەدٸ», - دەدٸ اقتوتى رايىمقۇلوۆا وكق-دا ونلاين رەجيمدە حالىق الدىندا ەسەپ بەرۋ كەزدەسۋٸندە.
مينيستردٸڭ ايتۋىنشا سپورتشىلاردىڭ دوپينگٸگە قارسى زەرتحاناسىنىڭ, ۇلتتىق دوپينگٸگە قارسى ورتالىقتىڭ قىزمەتكەرلەرٸنە, دەنە شىنىقتىرۋ جەنە سپورت جٶنٸندەگٸ رەسپۋبليكالىق وقۋ-ەدٸستەمەلٸك جەنە تالداۋ ورتالىعىنىڭ, سپورتتى دامىتۋ ديرەكتسيياسىنىڭ قىزمەتكەرلەرٸ مەن جاتتىقتىرۋشىلارىنا لاۋازىمدىق جالاقىنىڭ 100% مٶلشەرٸندە جاڭا قوسىمشا اقى بەلگٸلەنگەن. وسىلايشا, ولاردىڭ جالاقىسى 2 ەسە ارتقان.
«بۇل باعىتتا جۇمىس جالعاسادى. سالا قىزمەتكەرلەرٸن ەلەۋمەتتٸك قولداۋ مەسەلەلەرٸ بٸز ٷشٸن ەرقاشان دا ٶزەكتٸ. وسىعان بايلانىستى سالا قىزمەتكەرلەرٸن ەلەۋمەتتٸك قولداۋ جٷيەسٸن ودان ەرٸ دامىتۋدى, جۇمىسىنىڭ ەرەكشەلٸگٸ بار ماماندار ٷشٸن تٶلەم مەسەلەسٸن پىسىقتاۋدى جوسپارلاپ وتىرمىز. بۇل ماماندىقتىڭ بەدەلٸن ارتترىىپ عانا قويماي مۋلتيپليكاتيۆتٸ ەسەر بەرەدٸ», - دەدٸ اقتوتى رايىمقۇلوۆا.
