فوتو: اشىق دەرەككٶز
وقۋ-اعارتۋ مينيسترٸ جۇلدىز سٷلەيمەنوۆا ەلەۋمەتتٸك جەلٸدەگٸ پاراقشاسى ارقىلى قازاقستاندا پەداگوگتەردٸڭ بٸلٸمٸن باعالاۋ رەسٸمٸ توقتاتىلعانىن حابارلادى.
"قۇرمەتتٸ ۇستازدار. سٸزدەرمەن سٷيٸنشٸ جاڭالىقتى بٶلٸسەمٸن. مەملەكەت باسشىسى قاسىم-جومارت توقاەۆتىڭ تاپسىرماسىمەن ۇستازدارىمىزدىڭ پەندٸك بٸلٸمٸن باعالاۋ توقتاتىلدى. ٶتە جاقسى. مەنٸڭ ويىمشا, مەملەكەت باسشىسى سٸزدەرگە زور سەنٸم ارتىپ, ٷلكەن جاناشىرلىق تانىتۋدا. بۇل تۋرالى حات بٸلٸم باسقارمالارىنا جولداندى", – دەدٸ ول.
ۇلتتىق تەستٸلەۋ ورتالىعىنىڭ حابارلاماسىنا سەيكەس, "مودەراتور", "ساراپشى", "زەرتتەۋشٸ", "شەبەر" ساناتتارىنا جۇمىس ٸستەپ جٷرگەن پەداگوگتەر جەنە ساناتقا تاپسىراتىن باسشىلار ٷشٸن پبب ٶتكٸزۋ توقتاتىلادى.
"تٶلەمدٸ قايتارۋ ٷشٸن uto@testcenter.kz ەلەكتروندىق پوشتاسىنا ٶتٸنٸش جولداۋلارىڭىز قاجەت. جوعارى وقۋ ورىندارى مەن كوللەدج تٷلەكتەرٸ, سونداي-اق پەداگوگيكالىق قىزمەتٸن قايتا باستاۋعا نيەت بٸلدەرگەن تۇلعالار ٷشٸن "پەداگوگ" ساناتىنا پبب ٶتٸنٸشتەرگە سەيكەس ٶتكٸزٸلەدٸ. سونىمەن قاتار, تەستٸلەۋدٸ اي سايىن ٶتكٸزۋ جوسپارلانعانىن ەسكە سالامىز", – دەلٸنگەن حابارلامادا.
ايتا كەتەيٸك, پەداگوگتەردٸڭ بٸلٸمٸن باعالاۋ – بٸلٸم بەرۋ سالاسىنداعى ۋەكٸلەتتٸ ورگان ەزٸرلەگەن تەستتەر بويىنشا پەداگوگتٸڭ كەسٸبي قۇزىرەتتٸلٸك دەڭگەيٸن ايقىنداۋ ماقساتىندا جٷرگٸزٸلەتٸن رەسٸم. الايدا, ول جىل سايىن مۇعالٸمدەردٸڭ نارازىلىعىن تۋدىرىپ, ٷلكەن پٸكٸرتالاسقا نەگٸز بولىپ كەلگەن.
