Foto: ashyq derekkóz
Oqý-aǵartý ministri Juldyz Súleimenova áleýmettik jelidegi paraqshasy arqyly Qazaqstanda pedagogterdiń bilimin baǵalaý rásimi toqtatylǵanyn habarlady.
"Qurmetti ustazdar. Sizdermen súiinshi jańalyqty bólisemin. Memleket basshysy Qasym-Jomart Toqaevtyń tapsyrmasymen ustazdarymyzdyń pándik bilimin baǵalaý toqtatyldy. Óte jaqsy. Meniń oiymsha, memleket basshysy Sizderge zor senim artyp, úlken janashyrlyq tanytýda. Bul týraly hat bilim basqarmalaryna joldandy", – dedi ol.
Ulttyq testileý ortalyǵynyń habarlamasyna sáikes, "moderator", "sarapshy", "zertteýshi", "sheber" sanattaryna jumys istep júrgen pedagogter jáne sanatqa tapsyratyn basshylar úshin PBB ótkizý toqtatylady.
"Tólemdi qaitarý úshin uto@testcenter.kz elektrondyq poshtasyna ótinish joldaýlaryńyz qajet. Joǵary oqý oryndary men kolledj túlekteri, sondai-aq pedagogikalyq qyzmetin qaita bastaýǵa niet bildergen tulǵalar úshin "PEDAGOG" sanatyna PBB ótinishterge sáikes ótkiziledi. Sonymen qatar, testileýdi ai saiyn ótkizý josparlanǵanyn eske salamyz", – delingen habarlamada.
Aita keteiik, pedagogterdiń bilimin baǵalaý – bilim berý salasyndaǵy ýákiletti organ ázirlegen testter boiynsha pedagogtiń kásibi quzyrettilik deńgeiin aiqyndaý maqsatynda júrgiziletin rásim. Alaida, ol jyl saiyn muǵalimderdiń narazylyǵyn týdyryp, úlken pikirtalasqa negiz bolyp kelgen.
