فوتو: pixabay.com
الماتى تۇرعىنى جەكەمەنشٸك مەكتەپ قىزمەتكەرلەرٸ قىزىما پسيحولوگييالىق قىسىم كٶرسەتتٸ دەپ شاعىمداندى. كٶپبالالى انانىڭ ايتۋىنشا, بٸلٸم ورداسىنىڭ مۇعالٸمدەرٸ مەن پسيحولوگى بٸرٸنشٸ سىنىپتا وقيتىن قىزدى ٶگەي ەكەسٸ زورلادى دەپ توپشىلاپ, جەدەل جەردەم شاقىرتقان, - دەپ حابارلايدى Tengrinews.kz سايتى كتك تەلەارناسىنا سٸلتەمە جاساپ.
الماتى تۇرعىنى جەكەمەنشٸك مەكتەپتٸڭ قىزمەتكەرلەرٸ كەسٸرٸنەن جەتٸ جاسار قىزى پسيحولوگييالىق اۋىر سوققى الدى دەپ وتىر. ٶتكەن اپتادا ەيەلدٸڭ بٸرٸنشٸ سىنىپتا وقيتىن قىزى ساباق كەزٸندە قايتا-قايتا دەرەتحاناعا سۇرانىپتى. بۇدان سەزٸكتەنگەن مۇعالٸمدەر وقۋشىنى سۇراقتىڭ استىنا العان. سوسىن قىزعا ٶگەي ەكەسٸ زورلىق كٶرسەتۋٸ مٷمكٸن دەپ توپشىلاپ, جەدەل جەردەم شاعىرعان, دەيدٸ ەيەل.
"مەكتەپتٸڭ پسيحولوگ اپايى, دەرٸگەرٸ مەن ديرەكتور ورىنباسارى اسىعىس دياگنوز قويىپ, زورلاۋ مٷمكٸندٸگٸ بولدى دەپ ٶزدەرٸ شەشٸم قابىلداپ, جەدەل جەردەم ماماندارىنا ايتىپ بەرگەن. سٶيتٸپ اۋرۋحاناعا جەتكٸزٸپ, مەنٸڭ رۇقساتىمسىز بالانى شىرقىراتىپ, بالامنىڭ قۇرساعى جاراقات الدى دەپ جازىپ بەرگەن", - دەدٸ ەيەل.
كٶپبالالى انا جايسىز حاباردى تەك اۋرۋحاناعا جەتكەندە بٸر-اق بٸلدٸم دەيدٸ. ٸسكە پوليتسييا ارالاسىپ, بٶلٸمشەگە قىزدىڭ ٶگەي ەكەسٸ دە شاقىرتىلعان. سوسىن ەكٸ بٸردەي مەديتسينالىق ساراپتاما جاسالىپتى. ونىڭ قورىتىندىسى بويىنشا جەتكٸنشەكتٸڭ قۋىعىنا سۋىق تيگەن ەكەن. قازٸر شوشىپ قالعان قارشاداي قىز ەمدەلٸپ جاتىر.
"بٸز قاتتى اشۋلىمىز. نامىسىمىزعا تيٸپ وتىر. كٷيەۋٸمنٸڭ نامىسىنا تيٸپ وتىر. گٷلدەي بولىپ وتىرعان شاڭىراعىمدى ورتاعا تٷسٸرٸپ وتىر, بۇل كٸسٸلەردٸڭ اسىعىس شەشٸمٸمەن. مەنەن سۇراپ, ناقتى شەشٸم بولعانىمەن, بٸرگە بارىپ تەكسەرتۋ كەرەك ەدٸ, سونداي جاعداي بولعان كٷننٸڭ ٶزٸندە. وسى ٸسكە قاتىستى نيەتٸ دۇرىس ەمەس ادامدار. ولار مەكتەپتە قالاي بالا تەربيەلەيدٸ? سول ٷشٸن وسى ٸسكە قاتىسى بار ادامداردى جۇمىستان شىعارۋىن تالاپ ەتەمٸن", - دەيدٸ ەيەل.
زاڭگەر نۇرجان قۇرالباەۆتىڭ ايتۋىنشا, اتا-انانىڭ قاتىسۋىنسىز كەمەلەتكە تولماعان بالادان جاۋاپ الۋعا جەنە جىنىستىق مٷشەسٸن تەكسەرۋگە ەشكٸمنٸڭ قۇقىعى جوق.
"بۇل جاعدايعا جەكەمەنشٸك مەكتەپ قىزمەتكەرلەرٸنٸڭ بٸلٸكسٸزدٸگٸ سەبەپ. №1 بالالار اۋرۋحاناسىنىڭ دەرٸگەرلەرٸنە دە سۇراق كٶپ. ولار قىزدىڭ اتااناسىنا ەسكەرتپەي, ٶز بەتٸنشە تەكسەرٸس جٷرگٸزٸپ, جاتىرى زاقىمدانعان دەگەن دياگنوز قويدى. ەكٸ بٸردەي سوت-مەديتسينالىق ساراپتاما مۇنى جوققا شىعاردى. مۇنداي قاتەلٸك بٷتٸن بٸر وتباسىعا كەرٸ ەسەرٸن تيگٸزدٸ. مەكتەپ بولسىن, اۋرۋحاناعا بولسىن, مۇنداي كەلەڭسٸز جايتقا جول بەرمەۋگە تيٸس", - دەيدٸ زاڭگەر.
بالانىڭ اناسى قۇقىق قورعاۋ ورگاندارىنا ارىز جازىپ ٷلگەرگەن. بۇل جانجال وقۋ-اعارتۋ مينيسترلٸگٸنە دەيٸن جەتكەن. ۇستازداردىڭ وسىنداي جاعدايدا قانشالىقتى كەسٸبي ەرەكەت ەتكەنٸن انىقتاۋ ماقساتىندا جەكە بٸلٸم بەرۋ مەكەمەسٸندە تەكسەرۋ باستالعان.
