فوتو: Sputnik / توماس تحايتسۋك
مويىندالماعان ابحازييا پرەزيدەنتٸ اسلان بجانييا وپپوزيتسييانىڭ قىسىمىمەن وتستاۆكاعا كەتتٸ. سونىمەن قاتار پارلامەنتتٸ باسىپ العان وپپوزيتسييامەن كەلٸسٸم بويىنشا ٷكٸمەت باسشىسى دا قىزمەتٸنەن كەتەدٸ, دەپ حابارلايدى Ult.kz.
"ەلدەگٸ تۇراقتىلىق پەن كونستيتۋتسييالىق تەرتٸپتٸ ساقتاۋ ماقساتىندا, ابحازييا رەسپۋبليكاسى كونستيتۋتسيياسىنىڭ 63-بابىنا سەيكەس, مەن ابحازييا رەسپۋبليكاسى پرەزيدەنتٸ قىزمەتٸنەن وتستاۆكاعا كەتەمٸن", – دەپ جازىلعان بجانييانىڭ پارلامەنت تٶراعاسىنا ارناعان مەلٸمدەمەسٸندە. بۇل مەلٸمدەمە بجانييانىڭ باسپاسٶز قىزمەتٸ جارييالاعان.
BBC مەلٸمەتٸنشە, بۇعان دەيٸن ابحازييا وپپوزيتسيياسىنىڭ جەتەكشٸلەرٸنٸڭ بٸرٸ ادگۋر اردزينبا جۋرناليستەرگە بەرگەن سۇحباتىندا وپپوزيتسييا مەن بيلٸك اراسىنداعى كەلٸسسٶزدەر نەتيجەسٸندە پرەزيدەنت بجانييا مەن ٷكٸمەت باسشىسى الەكساندر انكۆابتىڭ وتستاۆكاعا كەتۋگە كەلٸسٸم بەرگەنٸن حابارلاعان ەدٸ.
رەسەيدٸڭ "ينتەرفاكس" اگەنتتٸگٸنٸڭ مەلٸمەتٸنشە, پرەزيدەنت مٸندەتٸن ۋاقىتشا ۆيتسە-پرەزيدەنت بادرا گۋنبا اتقارادى, ال پرەمەر-مينيستر مٸندەتٸن ۆالەريي بگانبا ورىندايدى. ول بۇعان دەيٸن وسى لاۋازىمدى يەلەنگەن.
بجانييا سەنبٸ كٷنٸ, وتستاۆكاسىن تالاپ ەتكەن نارازىلىق بٸلدٸرۋشٸلەر مويىندالماعان رەسپۋبليكانىڭ پارلامەنت عيماراتىن باسىپ العاننان كەيٸنگٸ كٷنٸ وتستاۆكاعا كەتەتٸنٸن ۋەدە ەتكەن بولاتىن.
ابحازييا استاناسىندا تولقۋلار بٸر اپتا بۇرىن باستالدى. سەبەپ – بيلٸكتٸڭ رەسەيمەن جاڭا ينۆەستيتسييالىق كەلٸسٸم جاساۋعا نيەتتەنۋٸ. جەرگٸلٸكتٸ تۇرعىنداردىڭ كٶبٸ رەسەيلٸك بيزنەستٸڭ كەڭەيۋٸ تۋريزمنەن تٷسەتٸن تابىستارىنان ايىرۋى مٷمكٸن دەپ الاڭداپ وتىر.
.jpg)