فوتو: ازاماتتارعا ارنالعان ٷكٸمەت
سەنبٸ, 5 سەۋٸر قازاقستاندا موپەدتەردٸ تٸركەۋ مەرزٸمٸ اياقتالادى. وسىعان بايلانىستى, بٷگٸن الماتىداعى بارلىق مامانداندىرىلعان حالىققا قىزمەت كٶرسەتۋ ورتالىقتارى (حقكو) جۇمىس ٸستەيدٸ, دەپ حابارلايدى «ازاماتتارعا ارنالعان ٷكٸمەت» مەملەكەتتٸك كورپوراتسيياسىنىڭ باسپاسٶز قىزمەتٸ.
– بۇل مەملەكەتتٸك قىزمەتكە سۇرانىستىڭ ارتۋىنا بايلانىستى «ازاماتتارعا ارنالعان ٷكٸمەت» مەملەكەتتٸك كورپوراتسيياسى ٸشكٸ ٸستەر مينيسترلٸگٸمەن بٸرلەسە وتىرىپ, بۇل كٷنٸ الماتى قالاسىنداعى مامانداندىرىلعان حالىققا قىزمەت كٶرسەتۋ ورتالىقتارىنىڭ جۇمىس كەستەسٸن ٶزگەرتۋ تۋرالى شەشٸم قابىلدادى, – دەلٸنگەن حابارلامادا.
مەملەكەتتٸك قىزمەت كٶرسەتۋ بويىنشا قابىلداۋدى جٷزەگە اسىراتىن مامانداندىرىلعان حالىققا قىزمەت كٶرسەتۋ ورتالىقتارى قىزمەت الۋشىلاردى تاڭعى ساعات 9:00 دەن 14:00-گە دەيٸن قابىلداپ, 15:00-گە دەيٸن دايىن قۇجاتتاردى بەرەدٸ.
ايتا كەتۋ كەرەك, بۇل كەستە بويىنشا ورتالىقتار تەك 5 سەۋٸردە جۇمىس ٸستەيتٸن بولادى.
مامانداندىرىلعان حقكو-تارى مىنا مەكەنجاي بويىنشا ورنالاسقان:
– حقكو №1 - سايالى شاعىناۋدانى, اققاينار كٶشەسٸ, 1
– حقكو №2 - مايلين كٶشەسٸ, 240ا
– حقكو №3 - قۇلجا تراكتٸ 9ك
– حقكو №4 - كەمەل شاعىناۋدانى, اقسۋات كٶشەسٸ, 118
بۇعان دەيٸن موپەدتەرٸن تٸركەمەگەندەرگە قانداي جاۋاپكەرشٸلٸك كٶزدەلگەنٸن جازعان ەدٸك.
ٸٸم ەكٸمشٸلٸك پوليتسييا كوميتەتٸنٸڭ تٶراعاسى قايسار سۇلتانباەۆ جول ەرەجەسٸن بۇزعان موپەد جٷرگٸزۋشٸلەرٸنە جازا قاتاڭداتىلاتىنى تۋرالى ايتقان بولاتىن.
