Foto: Azamattarǵa arnalǵan úkimet
Senbi, 5 sáýir Qazaqstanda mopedterdi tirkeý merzimi aiaqtalady. Osyǵan bailanysty, búgin Almatydaǵy barlyq mamandandyrylǵan halyqqa qyzmet kórsetý ortalyqtary (HQKO) jumys isteidi, dep habarlaidy «Azamattarǵa arnalǵan úkimet» memlekettik korporatsiiasynyń baspasóz qyzmeti.
– Bul memlekettik qyzmetke suranystyń artýyna bailanysty «Azamattarǵa arnalǵan úkimet» memlekettik korporatsiiasy Ishki ister ministrligimen birlese otyryp, bul kúni Almaty qalasyndaǵy mamandandyrylǵan halyqqa qyzmet kórsetý ortalyqtarynyń jumys kestesin ózgertý týraly sheshim qabyldady, – delingen habarlamada.
Memlekettik qyzmet kórsetý boiynsha qabyldaýdy júzege asyratyn mamandandyrylǵan halyqqa qyzmet kórsetý ortalyqtary qyzmet alýshylardy tańǵy saǵat 9:00 den 14:00-ge deiin qabyldap, 15:00-ge deiin daiyn qujattardy beredi.
Aita ketý kerek, bul keste boiynsha ortalyqtar tek 5 sáýirde jumys isteitin bolady.
Mamandandyrylǵan HQKO-tary myna mekenjai boiynsha ornalasqan:
– HQKO №1 - Saialy shaǵynaýdany, Aqqainar kóshesi, 1
– HQKO №2 - Mailin kóshesi, 240A
– HQKO №3 - Qulja trakti 9K
– HQKO №4 - Kemel shaǵynaýdany, Aqsýat kóshesi, 118
Buǵan deiin mopedterin tirkemegenderge qandai jaýapkershilik kózdelgenin jazǵan edik.
IIM Ákimshilik politsiia komitetiniń tóraǵasy Qaisar Sultanbaev jol erejesin buzǵan moped júrgizýshilerine jaza qatańdatylatyny týraly aitqan bolatyn.
