قازاقستاننىڭ بٸرٸنشٸ, ەلەمنٸڭ 35-راكەتكاسى الەكساندر بۋبليك مونپەلە (فرانتسييا) ATP 250 تۋرنيرٸنٸڭ چەمپيونى اتاندى, دەپ حابارلايدى قازاقپارات.
قازاقستاندىق تەننيسشٸ فينالدا ەلەمنٸڭ 3-ٸنشٸ, وسى جارىستىڭ 1-راكەتكاسى, گەرمانييالىق الەكساندر زۆەرەۆپەن باس جٷلدەنٸ ساراپقا سالدى.
بۇدان بۇرىن قارسىلاستار بٸر-اق رەت كەزدەسٸپ, وندا بۋبليك جەڭگەن بولاتىن.
وسى جولى دا قازاقساندىق سپورتشى ويىن تٸزگٸنٸن ۋىسىنان شىعارماي, 6:4, 6:3 ەسەبٸمەن ۇتتى.
بٸر ساعاتتان استام ۋاقىتقا سوزىلعان ماتچ بارىسىندا بۋبليك 8 ەيس جاساپ, 8 برەيك-پوينتتىڭ تەڭ جارتىسىن ٶز ەسەبٸنە جازدى. قارسىلاسى 4 ەيس, 1 برەيكتەن (3 برەيك-پوينت) اسا المادى.
وسىلايشا بۋبليك ٶزٸنٸڭ سپورتتىق جولىندا العاش رەت ATP دوداسىندا جەڭٸمپاز اتانىپ وتىر.
