ۋلانباتىردا جٷرگٸزٸلگەن زەرتحانالىق تالداۋ موڭعولييانىڭ وڭتٷستٸك-باتىسىنداعى گوۆ-التاي ايماعىندا 15 جاسار جاسٶسپٸرٸم بۋبون وباسىنان قايتىس بولعانىن راستادى, دەپ حابارلايدى "ۇلت اقپارات" «سينحۋا» اگەنتتٸگٸنە سٸلتەمە جاساپ.
«دٷيسەنبٸ كٷنٸ كەشكە پتر-تەست نەتيجەسٸ 15 جاستاعى بوزبالانىڭ ٶلٸمٸنە بۋبون وباسى سەبەپ بولعانىن كٶرسەتتٸ», - دەدٸ موڭعولييا دەنساۋلىق ساقتاۋ مينيسترلٸگٸنٸڭ ٶكٸلٸ د.نارانگەرەل.
جاسٶسپٸرٸم ٶتكەن جەكسەنبٸدە اۋرۋحاناعا كەلە جاتقان جولدا كٶز جۇمدى. قايتىس بولارىنان ٷش كٷن بۇرىن ول دوستارىمەن بٸرگە سۋىر ەتٸنەن جاسالعان تاعام جەگەن.
ەكٸ دوسى مەن بايلانىستا بولعان 15 ادام وقشاۋلانىپ, اۋرۋحانالاردا ەم الىپ جاتىر.
ٶلٸم تٸركەلۋٸنە بايلانىستى موڭعولييانىڭ گوۆ-التاي پروۆينتسيياسىنىڭ بەس سومونىندا جەكسەنبٸ كٷنٸ كارانتين ەنگٸزٸلٸپ, كٶلٸك قوزعالىسى توقتاتىلدى.
بۇعان دەيٸن حوۆدا ايماعىندا (باتىس موڭعولييا) بۋبون وباسىن جۇقتىرعان ەكٸ ادام انىقتالعان بولاتىن.
