Ýlanbatyrda júrgizilgen zerthanalyq taldaý Mońǵoliianyń ońtústik-batysyndaǵy Gov-Altai aimaǵynda 15 jasar jasóspirim býbon obasynan qaitys bolǵanyn rastady, dep habarlaidy "Ult aqparat" «Sinhýa» agenttigine silteme jasap.
«Dúisenbi kúni keshke PTR-test nátijesi 15 jastaǵy bozbalanyń ólimine býbon obasy sebep bolǵanyn kórsetti», - dedi Mońǵoliia Densaýlyq saqtaý ministrliginiń ókili D.Narangerel.
Jasóspirim ótken jeksenbide aýrýhanaǵa kele jatqan jolda kóz jumdy. Qaitys bolarynan úsh kún buryn ol dostarymen birge sýyr etinen jasalǵan taǵam jegen.
Eki dosy men bailanysta bolǵan 15 adam oqshaýlanyp, aýrýhanalarda em alyp jatyr.
Ólim tirkelýine bailanysty Mońǵoliianyń Gov-Altai provintsiiasynyń bes somonynda jeksenbi kúni karantin engizilip, kólik qozǵalysy toqtatyldy.
Buǵan deiin Hovda aimaǵynda (Batys Mońǵoliia) býbon obasyn juqtyrǵan eki adam anyqtalǵan bolatyn.
