ۇلتتىق قوعامدىق دەنساۋلىق ساقتاۋ تٶتەنشە كوميسسيياسى بٷگٸنگٸ وتىرىستا مولدوۆا رەسپۋبليكاسىنىڭ بٷكٸل اۋماعىندا قوعامدىق دەنساۋلىق ساقتاۋ سالاسىنداعى تٶتەنشە جاعدايدى 2020 جىلدىڭ 31 شٸلدەسٸنە دەيٸن ۇزارتۋ تۋرالى شەشٸم قابىلدادى, دەپ حابارلايدى مولدپرەس.
كوميسسييا باسشىسى پرەمەر-مينيستر يون كيكۋدىڭ ايتۋىنشا, مۇنداي شەشٸم پاندەمييا جاعدايىنا بايلانىستى قابىلدانعان. قازٸرگٸ ۋاقىتتا بٷكٸل ەلەمدە جاعداي ٶرشٸپ وتىر.
قوعامدىق دەنساۋلىق ساقتاۋ سالاسىنداعى تٶتەنشە جاعداي ۇزارتىلىپ قانا قويماي, كەيبٸر شەكتەۋلەر ساقتالادى: شەتەلدٸكتەردٸڭ مولدوۆا رەسپۋبليكاسىنا كەلۋٸنە, شارالار ٶتكٸزۋگە, مەكتەپكە دەيٸنگٸ مەكەمەلەر قىزمەتٸنە, دەمالىس لاگەرلەرٸنە, تٷنگٸ كلۋبتارعا, ديسكوتەكالارعا, پاركتەرگە, دەمالىس ايماقتارىنا جەنە ت.ب.
سوعان قاراماستان, 16 شٸلدەدەن باستاپ جاتتىعۋ زالدارىندا دۋشقا تٷسۋگە رۇقسات ەتٸلەدٸ. سونداي-اق, وڭالتۋ ورتالىقتارى, سونىڭ ٸشٸندە كۋرورتتىق-شيپاجاي مەكەمەلەرٸنٸڭ قىزمەتٸ كەزەڭ-كەزەڭٸمەن قايتا جاندانادى.
سوڭعى 24 ساعاتتا مولدوۆا رەسپۋبليكاسىندا 1819 تەست جاسالىپ, 258 ادامنان جاڭا كوروناۆيرۋس انىقتالدى. قازٸرگٸ ۋاقىتتا ەلدە 18 924 ادام COVID-19 جۇقتىرعان.
